張嘉兒

【婚姻合伙人】張嘉兒曬餵母乳照疑走光 網民:遮唔晒喎!

無綫劇《婚姻合伙人》周一開播,前港姐張嘉兒都有份演出,今年5月7號佢就生咗細女Hannah,張嘉兒目前坐月調理身體及照顧BB,日前凌晨佢喺IG分享湊B樂仲貼咗張餵母乳照片,雖然嘉兒喺重要部位加上心心Emoji,但有網民懷疑佢遮唔晒疑似走光,留言提醒:「遮唔晒喎!」

撰文:東方新地 圖片:新傳媒圖片、張嘉兒Instagram張嘉兒Facebook

張嘉兒曬餵母乳照

現年35歲嘅香港小姐冠軍張嘉兒於2015年結婚,翌年誕下大女Leora,今年5月7號佢就生咗細女Hannah,日前凌晨於IG貼出一張埋身餵母乳的相片,寫道:「第二次做媽咪果然每樣嘢都容易得多,好快已經上咗奶,然後BB已經增磅。最難得嘅就係大女同埋二女佢哋相處得越嚟越融洽,我都慢慢掌握左佢哋兩個嘅時間表。今晚呢個時候,佢哋已經瞓緊覺,我就睇《婚姻合夥人》。大家可以留意吓,有我份㗎!拍嘅時候,我記得啱啱生完大女四個月,成日要喺公司泵奶。估唔到而家播出嚟嘅時候,我就喺屋企餵完奶。」