趙敏

【倚天屠龍記】盤點10位趙敏女演員 其中一位被金庸點名讚神似⋯

武俠小說大師金庸生前著的15部膾炙人口小說,多年來有不少被翻拍成影視作品,名著之一《倚天屠龍記》翻拍完又翻拍,回顧演趙敏的女演員,以下10位是最讓人深刻,當中一位更曾被金庸先生點名讚「如同書中走出一般」,到底係邊位呢?一齊睇睇!

撰文:東方新地 圖片:劇照、電視截圖、新傳媒圖片、網上圖片、微博

盤點《倚天屠龍記》10位趙敏女演員

1.)陳鈺琪

無綫近期熱播內地新版《倚天屠龍記》,趙敏一角由現年26歲的陳鈺琪擔演,她為唐嫣旗下藝人,2016年先開始拍劇,早年憑電視劇《錦繡未央》中飾演九公主「拓跋迪」而備受注目。今次佢喺《倚天屠龍記》入面擔正做趙敏一角,大家感覺如何呢?

樣子清秀可愛嘅陳鈺琪,唔少觀眾對佢做女主角就好有信心,唔知要演活一位活潑又帶點霸氣嘅郡主,對演員資歷尚淺嘅佢會唔會有難度呢?