陳凱琳輕鬆年吸千萬奶粉錢 囝囝腳頭好帶旺媽咪！

撰文：東方新地｜圖片：東方新地

陳凱琳輕鬆年吸千萬奶粉錢

27歲的陳凱琳，上年八月同鄭嘉穎在峇里拉埋天窗，半年間榮升人妻兼人 母，寶貝仔鄭承悅(Rafael)今年二月十四日出世，趕及一家三口過甜蜜情人 節，不過，生完十三日，Grace 月都未坐滿已急不及待出關出席品牌活動，輕鬆賺幾十萬奶粉錢。

據知情者透露:「 話晒年紀輕，Grace生完好快已經回氣，加 上有媽咪同奶奶幫手湊 B，佢唔會有太大壓力，要長期留喺屋企佢覺得好悶，所 以啲唔太困身嘅工作佢都會接，啱啱生完已經好多品牌爭住搵佢出活動想飲頭 啖湯，嗰次個客畀嘅價錢好高，就到時間又覺得身體適應到，佢先決定出關。」

囝囝腳頭好帶旺媽咪

13年挾著港姐冠軍銜頭入行，Grace 極速被無綫力捧拍劇擔正，工作量一向 唔少，不過點紅都唔及近半年加多兩個人妻及人母身份咁爆旺，活動廣告長接長有。據知情者透露:「啲扮靚品牌，吸納嘅都係 OL客，所以形象健康同時代 女性就最受歡迎，呢期最吸客嘅係Ali(李佳芯)、Grace同香香，依家Grace拍 個廣告收成百萬，出活動閒閒哋收十幾廿萬，孖住老公收得仲貴，BB真係好旺佢，生完比做女嗰陣仲受歡迎!」

夫妻約法三章

同老公鄭嘉穎同是緊張父母，Grace 直言兩公婆會分工合作湊 B:「 佢掃風好叻，我就鍾意幫 BB 沖涼，我哋成日都會爭 B 湊，會話你抱咗20分鐘要輪到 我!」將家庭及兒子排首位，兩公婆亦約法三章，鄭嘉穎拒出埠工作，陳凱琳亦 延期復工拍劇。

據知情者透露:「 唔少監製見Grace生完修身咁快，仲完全冇走 樣，都頻頻斟佢返出嚟拍劇，不過，自從做咗媽咪之後，Grace 心態唔同晒，雖 然佢一路都好有戲癮，但依家見少一陣 B B 佢都心掛掛，興趣暫時放埋一邊，寧 願賺快錢好過，拍劇遲一步再算!」

貴為港姐冠軍，又係形象健康媽咪，陳凱琳包攬大量時裝、扮靚品牌代言，連絲襪及奶樽產品都睇中佢！

對於成吸金最強潮媽，Grace接受本刊記者訪問時謙稱話冇賺咁多:「 依家都係湊 BB 最緊要，得閒先會出吓 Event，其實同老公都有共識，都唔會離開香 港做嘢住!(係咪好多監製搵你復出拍劇?)公司好體諒我，都知我啱啱生完，要花好多時間湊BB，好尊重我決定，叫我take careBB先，自己一路都好鍾 意演戲，將來一定會再喺呢方面發展!」