OG2

敷生物纖維面膜 高效滲透效果幫助舒緩

天氣成日轉來轉去,保濕已經係熱門話題!女仔鐘意敷面膜已經唔係新鮮事,更有人一日敷至少一塊面膜,最平價就係市面經常見到嘅不織布面膜,最高級就係生物纖維面膜,究竟生物纖維面膜點解咁高價錢呢?

撰文:Ruby|圖片:網上圖片、Instagram

生物纖維本來係用作燒燙傷後,用來敷材醫療物料,可以隔絕細菌同時,又可穿過毛孔導入藥劑或修復液,所以廣泛受醫美人士歡迎。

生物纖維面膜約為20-50納米,利用食物級醋酸桿菌去培養的,製造過程好似蠶蟲吐絲一樣,一層層交織成膜,技術人員用當中嘅纖維絲,再製成面膜,所以比起一般嘅綿質或不織布面膜纖維更細,而人體皮膚嘅皮溝大約係50奈米,所以生物纖維面膜可以更貼近人類皮膚及皮溝,而令精華嘅效果增加,同時促進精華液吸收,又唔會咁易致敏。

敷完生物纖維面膜之後,可以仔細觀察一下貼上皮膚嘅嗰一面,會睇到面膜上會有完整嘅肌膚紋路!就係因為生物纖維面膜咁好嘅貼合度,令到面膜中嘅水份、有效成分吸收更快。