敷生物纖維面膜 高效滲透效果幫助舒緩
廣告
天氣成日轉來轉去，保濕已經係熱門話題！女仔鐘意敷面膜已經唔係新鮮事，更有人一日敷至少一塊面膜，最平價就係市面經常見到嘅不織布面膜，最高級就係生物纖維面膜，究竟生物纖維面膜點解咁高價錢呢？
撰文：Ruby｜圖片：網上圖片、Instagram
生物纖維本來係用作燒燙傷後，用來敷材醫療物料，可以隔絕細菌同時，又可穿過毛孔導入藥劑或修復液，所以廣泛受醫美人士歡迎。
生物纖維本來係用作燒燙傷後，用來敷材醫療物料，可以隔絕細菌同時，又可穿過毛孔導入藥劑或修復液，所以廣泛受醫美人士歡迎。
生物纖維面膜約為20-50納米，利用食物級醋酸桿菌去培養的，製造過程好似蠶蟲吐絲一樣，一層層交織成膜，技術人員用當中嘅纖維絲，再製成面膜，所以比起一般嘅綿質或不織布面膜纖維更細，而人體皮膚嘅皮溝大約係50奈米，所以生物纖維面膜可以更貼近人類皮膚及皮溝，而令精華嘅效果增加，同時促進精華液吸收，又唔會咁易致敏。
敷完生物纖維面膜之後，可以仔細觀察一下貼上皮膚嘅嗰一面，會睇到面膜上會有完整嘅肌膚紋路！就係因為生物纖維面膜咁好嘅貼合度，令到面膜中嘅水份、有效成分吸收更快。
另外，呢種生物纖維本身嘅多孔結構可以吸收更多精華液，所以喺保養效果上，真係比起傳統嘅不織布更勝一籌。
由於製作成本高昂，所以面膜成品通常只會單面有完整嘅纖維絨毛面，於顯微鏡下觀察，只要將絨毛面貼於面上，生物纖維面膜與肌膚就可形成一個立體封閉空間：原理就好似溫室咁，因溫度上升令毛孔擴張，有效將成分滲入肌底，令水分同精華只入不出。
醫美療程後，不論皮膚表面或底層都屬受創肌膚，所以術後護理都會推薦使用呢類面膜，可以隔絕細菌，而當皮膚曬傷、受損或做完激光療程後，佢嘅高效滲透效果可以幫助舒緩敏感狀況呢～
