素顏女神是如何練成?關鍵在於佢條眉!

Channel May

廣告

成日上網都見到啲「素顏女神」,望落精神爽利又好似化哂妝,令人心曠神怡。好多人都知道,一條眉型絕對會影響外表觀感,但畫眉偏偏係化妝技巧中最難嘅一環,所以好多女士都選擇幫條眉做半/永久化妝,但若然你係盲目跟著潮流,而去選擇飄眉/紋眉/繡眉等等嘅療程,咁就要小心啦~如果無諗清楚,而選擇錯誤的話,分分鐘會無得返轉頭啊。

撰文:Ruby|圖片:網上圖片、Instagram

紋眉:
最早期嘅技術,就好似紋身嘅概念同原理,將針及工業色料垂直刺係皮膚到,好似填色咁,效果生硬不自然,過程好痛之餘,若時間耐咗,色料仲會變藍,而且好難洗退,基本而家已經冇人會做。

繡眉:
以機器排針做出眉毛顏色,由於針數較多,可以做到眉毛效果,但線條以直線為主,所以望上去會比較呆板同冇層次,色料含重金屬,時間耐咗都係會變紅變藍,而且容易傷及真皮。

飄眉:
以人手配合植物性色料,跟據原生眉毛嘅生長方向落針,逐條眉毛飄畫於眉上,所以效果像真度很高,仲可以配合多款色料勾畫不同層次及效果,但隨時間代謝,大概2-3年就會變淡。

霧眉:
以排針將色料霧畫出來,效果朦朧,似眉粉掃畫過嘅自然感覺👀,但同樣會隨時間代謝,2-3年就會變淡。

正正因為咁,而家好多女星都會選擇做飄眉+霧眉,結合2者優點,打造出自然靚眉,就算卸咗妝都一樣咁靚

都係果句,做任何療程都要搵專業可靠,甚至有認證執照的治療師或醫生問清楚喔。另外,進行美容注射時,都要了解多d安全及風險呀。