OG2

眼袋去去走~ 教你認清坊間3款眼袋槍

眼部係皮膚最幼嫩薄弱嘅地方,容易出現皺紋同鬆弛等老化問題👵🏻黑眼圈、眼袋、眼紋,無論出現邊樣,都好易令人望落又殘又攰👻老咗十年咁!

撰文:Ruby|圖片:網上圖片、Instagram

坊間有好多唔同嘅眼袋槍聲稱可以「一槍改善眼袋、眼紋、黑眼圈」評價好壞參半🤔效果好唔好同用咩機都有關~有啲美容院用普通雜牌機做,只係用熱脹冷縮原理,將眼袋短暫舒緩同收縮!呢啲冷熱敷,平時自己都可以做到,但冷敷完眼袋好快又會返嚟~而且亂咁熱敷有機會令眼部周邊肌肉舒緩擴張🙅🏻令到眼袋更明顯!

 

眼袋槍原理主要都係大同小異,透過微細機頭刺激皮膚膠原再生,屬於非入侵性治療且零恢復期。揀機時主要睇射頻及波長,市面上比較常見嘅眼袋槍主要有3款🌟TherMatrix🌟i-Perfect🌟Exilis Pro🌟