OG2

關節痛、出疹、失憶、生瘤 可能同隆胸有關?

美國傳媒最近報道,喺當地越來越多女人決定隆胸之後「拆彈」。報道裡面有個真實個案,一個叫Cindy Tyler嘅女人,隆胸之後出現關節痛、夜晚冒汗、出疹、抽筋,仲有少少失憶徵狀,仲話:「人生裡頭,第一次連個仔幾時出世都唔記得!」

撰文:CM Team|圖片:網上圖片、Instagram

Cindy喺2004年隆胸,一年之後個胸開始變硬,跟住出現唔同徵狀。起初佢以為自己荷爾蒙失調,check過晒所有嘢冇發現,最後check無可check先走去睇整容醫生Dr. Fredric Barr,醫生一睇就發現佢個植入物有好多裂口,即刻幫佢攞出嚟,清洗返啲肌肉組織,咁樣Cindy先冇事。

另一位病人Christine Knox都喺自己IG分享,2015年1月隆胸,2016年4月就開始不停發燒,出現流感徵狀,兩年嚟到搵唔到病因,只能不停食藥又好唔返,最後醫生叫佢移除植入物,頓時個人健康返晒,呼吸暢順返,連胸腔痛都冇埋。

關鍵詞
隆胸