楊明

【如果這樣生活】醉駕刑毀霉足十年!楊明被嘲「垃圾」專演死屍

昨晚播出最新一集《如果這樣生活》請來楊明做嘉賓,楊明入行時曾受TVB力捧,但因為年少輕狂,他試過醉駕刑毀加上緋聞多多,負面新聞不斷,結果由被力捧變被放棄,低潮時間仲聽過唔少冷嘲熱諷嘅說話,不過楊明浪子回頭,用十年時間和努力,由無名字的閒角做起,幾經轉折,再受無綫力捧,重上一線,也令觀眾對佢改觀!

 

撰文:東方新地 圖片:新傳媒圖片、影片截圖、楊明IG

楊明負聞纏身 霉足十年

38歲楊明唔經唔覺入行21年,初出道憑高大俊朗的外形一度受力捧,可惜少不更事頻頻闖禍,試過醉駕刑毀。楊明在節目中回憶出前前嘅日子,他表示每朝瞓醒都有八十至一百個Miss Call,那時係最多人想同佢做朋友嘅時間,大家會想約佢食飯約佢玩,但到出事後慢慢變冇朋友,之後再由好多機會變成冇人敢用佢,結果一霉就霉咗十年!而楊明話自己貪玩、亂嚟、犯錯,令他失去形象插水、冇朋友甚至係失去工作機會!