蕭正楠

備戰迎鼠B 直擊蕭正楠黃翠如診所驗身

最新娛聞

廣告

蕭正楠黃翠如去年在新西蘭秘密註冊結婚,上月初結婚 一周年在峇里補行婚禮,延續新婚甜蜜生活。翠如婚後肚皮最 受外界關注,不過為頂替李佳芯拍劇集《致所有愛過的人》,今 年上半年要捱更抵夜過非人生活,月前煞科終於可以抖一抖,不 過37歲的翠如體質麻麻,要為蕭家傳宗接代需努力調理身體。 豬年已過了一半,翠如趕唔切生豬B,已鎖定目標迎鼠B,與 蕭正楠集中火力與精力,最近放大假休息日對夜對,日前更四出派喜餅賀新婚,順道去診所搵相熟醫生再做身體檢查。去年搬入大埔康樂園愛巢後,蕭生蕭太的夫妻生活更如魚得水,不時玩吓煮飯仔好溫馨,天時、地利同人和都齊晒,真係要打鐵趁熱,明年生個「蕭鼠B」。

撰文:東方新地 圖片:新傳媒圖片、IG

蕭正楠黃翠如備戰迎鼠B

上月初,黃翠如拍完劇集《致所有愛過的人》,隨即與蕭正楠急飛 峇里補辦婚禮,雖然今次只有十五位親友同行見證,但蕭生蕭太為給父母 及自己一個難忘婚禮,在去年11月才開業的Six Senses Uluwatu酒店行禮,新娘子翠 如在浪漫的環境下數度感動到喊。辛苦拍完半年劇,翠如與蕭正楠行禮後再去日本 慶祝結婚一周年,在社交網上載一張翠如低頭望肚照片,更惹來無數親朋及網民的 祝福,可惜又是空歡喜一場,翠如否認有喜。

貼地泊車

上周二(4日)下午,蕭氏夫婦一齊 出動,到達佐敦後把車 泊在路邊錶位,見到本刊記者,兩公婆笑容燦 爛非常一致,新婚繼續甜到漏。

抱契仔愛不釋手

蕭正楠與黃翠如去年註冊結婚後,本來計劃今年進行B計劃,不過因為翠如突然 臨危受命要頂替李佳芯接拍劇集,怕中途造人成功令劇集進度受阻,所以要延遲生B 大計,今年下半年翠如再沒劇集在手,終於可以恢復造人計劃,知情者透露:「拍劇時真係連休息時間都唔夠,精神與體力都應付唔到,點敢諗生 B,況且翠如向來身體都唔係壯,拍劇期間更加孱,所以佢都 想等自己拍完劇輕鬆啲,再調理好身體,咁陀B會安心好 多。早前佢哋飛去馬來西亞探翠如好姊妹吳天瑜個B,身為契 爺嘅Edwin(蕭正楠)抱住個B真係流晒口水,契媽翠如都母性 大發,見到契仔咁可愛,令佢哋更加想快啲有屬於自己嘅 BB,為咗事半功倍,翠如仲現場取經,問咗吳天瑜好多生B秘 訣。翠如嚟緊會同洪永城一齊去拍旅遊節目,應該唔會太辛苦,佢做好晒生理同心理準備,希望今年可以成事,雖然趕唔 切生豬B,但鼠B都冇所謂,仲話仔女都鍾意,總之就全速造人啦!」

兩公婆入完錶,翠如興奮對住本刊記者手指指,蕭正楠笑住緊隨其後,蕭太狀態大勇,無懼素顏上鏡。

翠如帶頭行入佐敦一間大型連鎖診所,據知是搵相熟醫生做身體檢查,為生B做好準備,順便派喜餅。

蕭正楠特別介紹他與翠如的專屬喜餅禮盒,上面的蘋 果樹圖案,更是由蕭正楠親自設計,取自他們的定情蘋果樹。

婚前婚後都曾公開恨B恨到發燒的蕭正楠,想早日榮升做爸爸就要努力配合,最近他與翠如齊齊放大假,二人仍然沉醉 於新婚生活當中,每次現身都如皇儲與皇妃出巡一樣,笑面迎 人。上周二(4日),蕭生蕭太又糖黐豆現身,到達佐敦後先把 車泊在錶位,蕭正楠從車尾箱拎出一大盒喜餅,等待友人駕車 前來取餅,之後他們再步行到附近一間較大型的醫務診所,蕭太入內蕭生緊隨,二人在診所內逗留近一小時才離開。據知翠如與診所醫生相熟,今次專誠到訪除了送喜餅,亦順道驗血做些身體檢查,知情者說:「懷孕前其實有好多嘢都要驗清楚,女士要知道自己仲有冇足夠嘅德國麻疹抗體,雖然細個打過針,但咁多年可能已冇抗體,同埋翠如要飛去第二度拍嘢,都要打定啲麻疹同其他免疫針,萬一真係呢段時間有咗都有保障,陀B最緊要就係頭幾個月,翠如已經37歲,唔後生喇,所以就更加要小心。」

 

這日蕭生蕭太相約友人在佐敦取喜餅,之後再送到相熟的車房朋友手上,親自派餅唔用速遞,真係好有心。

榮升愛妻號榜首

「蕭鼠B」仍未面世,翠如仍可獨霸老公,當日二人出外派 餅,睇得出蕭正楠當老婆女皇一樣服侍,翠如上車前輕輕一句想食甜筒,他即跑入便利店買,愛妻之情路人皆見。不過翠如婚後亦努力學做個稱職好妻子本份,本來是生活白癡被封地獄廚神的她,以前只會坐定定等蕭正楠煮飯,近月見她不時下 廚,雖然由煮即食麵開始,但她愈來愈進步,蕭正楠曾上載 意粉及粉絲蝦煲的照片上社交網,給翠如愛的鼓勵。

註冊結婚一年才派喜餅,這次有蕭正楠 代言的餅店全力贊助,蕭氏夫婦真係慳唔少,難怪要在社交網為餅店賣廣告。

翠如亦對蕭正楠有讚無彈,問到老公行禮時公開愛的承 諾及山盟海誓,翠如指蕭正楠每次都說會好好照顧她,會聽 她話,而他婚後的確比婚前更聽話,她說:「佢表現比我好,佢出埠做完嘢返嚟,第一時間就會幫我抹車,同埋幾乎每日都幫我吹頭,好多小事都令我好感動。」去年註冊今年行 禮,對於會不會補擺喜酒再把新婚生活延長,翠如笑言不會 了,因已收到大家的祝福,不想浪費大家的精力出席婚 宴。至於度蜜月,她笑說:「老公話蜜月喺大埔(康樂園愛巢) 搞,我冇所謂,因為逢放假都去旅行,唔使強調係度蜜月。」 翠如仍未出發去拍旅遊節目,蕭正楠最近都清閒,9月會同 曹永廉兄弟檔開演唱會,換言之蕭氏夫婦大把時間喺大埔度蜜月。

 

甜筒餵老婆

蕭正楠二話不說,走入身後的便利店左揀右揀,買了一支啱翠如口味的甜筒行出來。


這日完成派餅任務,蕭正楠同翠如約了經理人去旺角歎日本菜,傾 未來工作安排,唔知係咪要預番段時間畀翠如停工陀 B 呢?

黃翠如和蕭正楠上月初在峇里的Six SensesUluwatu補辦婚禮,一擲千金製造難忘回憶,翠 如說這次是送給父母的禮物,在海天一色的環境下,再 次感受新婚的幸福。

雖然行禮儀式純粹為了家人,但翠如在婚宴中感動落淚,她說:「每個父母都想個 女正式嫁出去,儀式純粹為家人。爸爸拖住我進場交畀Edwin,我第一次見爸爸喊,爸爸話覺得自己照顧得個女唔夠好,叫Edwin要好好照顧我,我覺得佢好sweet,因為我爸爸是好錫女的人。」

儲肥養卵

向來身形瘦削的翠如,最近為做媽媽已努力增肥,食肥少少有助陀B,另外她亦注重養身調理身體,希望令自身卵子更健康更易受孕。

運動暖宮

從中醫角度來看,準備懷孕的婦女最緊要暖宮,體質麻麻的翠如亦加強運動量,不時與老公蕭正楠去打羽毛球,透過運動改變體質,促進血液循環。

實習湊B

上月去完日本慶祝結婚一周年,蕭氏夫婦再去馬來西亞探生完 B 的好姊妹吳天瑜,見到三個月大的契仔,翠如與蕭正楠都被融化 了,蕭正楠更抱住唔放過足老竇癮。

惡補廚藝

做了人妻,翠如迫住長大,從前對 烹飪零知識的她,近月開始走入廚 房惡補廚藝,目的當然是取悅老公蕭正楠。

早前蕭正楠上載由翠如主理的菜式,雖然只是賣相普通炸雞翼、粉絲蝦煲 及意粉,但已獲蕭生高度讚賞。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!