陳美齡

一門四傑都讀史丹福大學!陳美齡舉家見證細仔大學畢業

最新娛聞

廣告

知名教育家兼歌手陳美齡(Agnes)跟日籍老公金子力育有三名兒子,本身擁有美國著名學府史丹福大學教育博士銜頭的Agnes,其三個兒子也深受佢影響,讀書叻又乖仔,同樣成功考入史丹福大學,堪稱一門四傑呀!而日前Agnes全家到美國出席細仔金子協平的大學畢業禮更分享當日合照,相中所見63歲的Agnes凍齡有道,站在兒子身邊如大姐姐一樣,令人羨慕!

 

撰文:東方新地 圖片:新傳媒圖片、ig

陳美齡細仔史丹福大學畢業

Agnes的三個兒子先後考進史丹福大學,長子金子和平修讀經濟及國際關係,二仔金子昇平讀音樂及機械工程,而細仔協平選讀人工智能,Agnes透露協平將繼續留在史丹福大學深造碩士課程,好叻仔!

Agnes在社交網分享協平的畢業禮照片,她留言寫道:「三兒子今天大學畢業了,看到你經過不斷的努力,和他的哥哥們一樣從史丹福大學畢業,真的令我又驕傲、又開心又感恩。」作為母親看到兒子畢業心情當然激動,她說:「我不知道如何表達自己的感受,有點不敢相信自己的幸運。」

「人生在你手中」

Agnes不忘感謝兒子們的努力和恒心,去克服各種挑戰,又說:「孩子們為了表達他們對媽媽的愛,最佳方法就是各自做好自己應做的事,不用媽媽擔心。他們不但沒有令我擔心,更加給了我無限的驚喜!」她又勉勵三個兒子繼續努力,學以致用貢獻社會:「恭喜你協平!你的人生在你手中。要感謝所有支持你的人,更要用心做人,為自己、為人建築一個快樂的未來。」

 

沒有虎媽上身

Agnes在美國史丹福大學取得教育博士學位,也夢想三個兒子和平、昇平與協平也考入史丹福,成為世界性人材。她沒有虎媽上身狂谷,反之給予滿滿的母愛,啟發他們做書蟲,自發學習,並自稱「教育媽媽」創出一套「Agnes式教育法」,果真成功把三子送進史丹福,得到世界排名第三的大學認可。

熱愛湊仔 犧牲洗頭修甲

人人都不禁要問,究竟陳美齡有甚麼育兒秘訣?水滴石穿,並非一二日之事。Agnes的秘訣就是做個負責任的媽媽,為了不想有任何後悔,她每天都為孩子做好所有事情,大部分時間都盡量與孩子相處。「工作係緊要,但做媽媽仲緊要,呢三個小生命係我嘅責任。其實以前真係好忙,依家諗番起我都唔知點做到,日日冇覺好瞓,連出去同朋友飲茶、洗頭、修甲都冇,去髮型屋都淨係剪頭髮唔洗頭,如果我自己剪到嘅髮型我會自己剪;買餸、買衫、買日用品都係網購。」全因想無時無刻看到孩子,Agnes激發出所有母愛,寧可犧牲自己的外觀、社交,去換取湊仔時間。「湊小朋友俾我好大樂趣,每日生活都好開心,我又想教到佢哋頭腦靈活,好多嘢想同佢哋一齊做。」

 

做在職媽媽 平衡思想

Agnes不修邊幅享受家庭樂,但她從沒打算放棄工作,亦因為要工作,她才會如此爭取時間湊小孩。為何不轉做全職媽媽,換多一點時間?「我嘅個人時間就係工作,因為工作都係為咗追求自己夢想,繼續唱歌同做義工。有工作亦平衡到我思想,工作辛苦就諗吓屋企,想快啲放工陪小朋友;喺屋企做家務辛苦,又諗吓聽日返工有咩樂趣,所以做在職媽媽反而得到平衡。」日常照顧以外,Agnes與孩子做很多啟發活動,讓他們從小明白讀書不是一種負擔。 「一定要多睇書,BB時期我已經讀好多圖畫書俾佢哋聽,小朋友頭腦好犀利,未識講嘢就識用手催你揭書,到佢識講嘢已經識唸晒簡單內容,就係咁培養到佢哋愛上閱讀,做咗書蟲。」

 

自創小遊戲 取代打機

成 為書蟲已經贏在讀書起跑線,除了提升語文能力及自發讀書之外,更訓練到表達能力。「我讀完俾佢哋聽,就叫佢哋讀番俾我聽,小朋友一放聲出嚟讀,就會記得更 入腦;之後叫佢哋用自己說話講番俾爸爸聽,令佢哋更了解內容同表達自己;仲有鼓勵佢哋多發問,唔好覺得羞恥,所以佢哋成日問我嘢,我都會讚佢哋問得好! 『不過媽咪都唔識答,不如你哋自己去搵答案啦!』提升埋佢哋嘅求知慾。」

每 日除了親子閱讀,Agnes亦投放大量心思設計小遊戲,好似接龍、猜謎語,既好玩又能刺激思考,連出街都有得玩!「搭車好悶㗎嘛,我就搵個題目玩,例如: 大家睇住路上行人,鬥快搵到着橙色衫、綠色褲嘅人,好少有㗎嘛,所以成程車就望到實,真係會搵到㗎,搵完就轉紅色衫、紫色褲。如果上高速公路就搵車牌,要 有3、7,好好㗎。」Agnes設計的小遊戲只需動手腦,毋須工具,一家人坐着就玩到,可訓練集中力,頭腦靈活,更重要令小朋友明白追求快樂,不一定需要 物質。「只要有伴侶,甚至一個人都可以搵到樂趣。」

 

接觸大自然 發掘興趣

現 在人人搭車都低頭玩手機,有幾多父母會和孩子搭車耍樂?Agnes形容電玩猶如中毒,她自小就禁止孩子接觸電玩,直至中學,「要幫佢哋發掘其他興趣,好似 我同佢哋玩遊戲、帶佢哋多啲出街見識,去郊外釣魚、接觸大自然;就算夜晚都會出街踢波,落雨搵蝸牛,唔好成日困喺屋企。」Agnes建議家長一定要多帶孩 子到大自然,尋找萬物「老公會帶佢哋搵昆蟲、掘蟲仔、認識花草樹木,令佢哋對大自然產生興趣,唔需要再靠電子遊戲。」家長當然要率先身教,避免在小朋友面 前打機,並灌輸沉迷打機的壞處,令小朋友遠離,「如果小朋友掛住打機,對腦部發育好有影響,有少少中毒咁,遊戲生產商都希望啲人中毒,咁先賺到錢,當你一 中毒就好難戒,你要問小朋友:想唔想好似食白粉咁中毒吖?佢哋梗係唔想,所以唔好俾打機玩到你,係人玩機,唔係機玩人!」

 

戶外學習課本內容

香港的填鴨式教育,好多家庭都要逆來順受,催谷小朋友做功課及應付默書考試,壓力大之餘,學習亦枯燥乏味。Agnes的方法是先看一次孩子的課本,記低將會學習的內容,並計劃一個具體的學習活動,例如假日帶他們去科學館、博物館等地方,寓學習於娛樂。孩子預先接觸了學習的課程,到老師講課時就好易明。「好似學魚我就帶佢哋去水族館;學歷史就去博物館或歷史古蹟,搵埋相關嘅電影睇,令學習環境變得立體,到佢上堂學嗰陣已經早有知識同有興趣,一邊玩一邊學。」

 

Agnes笑言三個仔最鍾意去科學館,每次都發掘到不同奧秘,培養到對科學的興趣,令學習事半功倍。「我覺得呢招好有用,當小朋友識咗好多嘢,就唔會覺得讀書辛苦,返學上堂都跟得上進度,我成日都話唔好追老師教學進度,應該安安樂樂等老師教你。」至於語文方面,Agnes坦言最佳方法只有多看書,以提升語文水平及閱讀理解能力,其中細仔更自學成速讀者。「佢兩三秒睇完一版!睇書睇得快對返學仲有利,寫文都好好,因為佢睇得文章多。」自小在日本讀國際學校的三個兒子,精通中、英、日語,以英文能力最好。Agnes沒有安排過兒子補習,親自睇功課至小六,中學才放手讓他們管理自己。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
日本