OG2 (2)

樂基兒、碧咸嫂都要拆彈保平安?5個隆胸嚇人後遺症

玲瓏浮突嘅魔鬼身材,係唔少女士們夢寐以求嘅身型,但奈何身型、胸部嘅大少人人不同,有人會選擇後天加工,隆胸僭建出驚人身型,但隆胸手術後遺症多,難怪如樂基兒同碧咸嫂都要於隆胸後再拆彈回復自然。而最近外國女歌手Cardi B亦因為隆胸而導致肚鬆腳又腫,以下就盤點隆胸嘅5個嚇人後遺症,想僭建前要三思啊!

撰文:CM Team|圖片:網上圖片

 

愛美當然係天性,但為了前凸後翹嘅身材去開刀做手術,又係咪值得?有前居可鑑,模特兒出身嘅樂基兒就曾因為愛美而去進行隆胸手術,由32A上圍激升至34C,雖然不少人都大讚她升級後更好看,但她於10月後突然決定將假胸拆除,她事後解釋因為隆胸後出現寒背同腰痛等情況,最後決定回復過往嘅自然身材。

隆完胸又後悔嘅仲有碧咸老婆Victoria ,當年仲係女子組合成員之一嘅Victoria曾兩度隆胸,34A變34DD,超巨Size與佢纖瘦嘅身型形成強烈對比,後來因為頂唔順「胸部頂上頸」,最後決定做縮胸手術,胸部由DD變回B級。