蘇永康

蘇永康力谷兩歲仔入星級名校 爭做陳慧琳兩子學弟!

老來得子難免特別緊張,將近半百先做老竇的蘇永康,自從兒子蘇展弘(Jazz)出世後, 生活重心離不開寶貝仔,眨吓眼,Jazz已經兩歲,廿四孝老竇開始為兒子升學操心,唔想個仔行冤枉路,蘇康得身邊家長好友教路,決定 讓兩歲仔讀星級幼兒學前班打好基礎,早前就同老婆陪同兒子到位於紅磡的著名星二代學府 St.Catherine’s面試,爭做陳慧琳兩子及蔡少芬兩女學弟,決要贏在起跑線!

撰文:東方新地|圖片:東方新地

蘇永康力谷兩歲仔入星級名校

49歲成功做老竇的蘇永康,不諱言會為兒子將來做更多準備,在兒子出世前,已豪掟2,830萬購入北角半山雲峰大廈,作為兒子安樂窩,努力賺奶粉錢等兒子有更優質生活,做咗爸爸,更深切體會香港教育對小朋友的壓迫,為幫兒子增強競爭力,同老婆亦提早做好計劃。

今年3月兒子兩歲生日,蘇永康同老婆為兒子在迪士尼搞 生日會,第一次同米奇及米妮玩的 Jazz表現興奮。
今年3月兒子兩歲生日,蘇永康同老婆為兒子在迪士尼搞 生日會,第一次同米奇及米妮玩的 Jazz表現興奮。

蘇永康圈中人緣廣,兒子Jazz有唔少人錫,當中兩個契爺黃子華同陳奕迅,對 Jazz亦錫到燶,經常約埋同契仔聚會聯誼。