蘇永康

蘇永康力谷兩歲仔入星級名校 爭做陳慧琳兩子學弟!

最強精選

廣告

老來得子難免特別緊張,將近半百先做老竇的蘇永康,自從兒子蘇展弘(Jazz)出世後, 生活重心離不開寶貝仔,眨吓眼,Jazz已經兩歲,廿四孝老竇開始為兒子升學操心,唔想個仔行冤枉路,蘇康得身邊家長好友教路,決定 讓兩歲仔讀星級幼兒學前班打好基礎,早前就同老婆陪同兒子到位於紅磡的著名星二代學府 St.Catherine’s面試,爭做陳慧琳兩子及蔡少芬兩女學弟,決要贏在起跑線!

撰文:東方新地|圖片:東方新地

蘇永康力谷兩歲仔入星級名校

49歲成功做老竇的蘇永康,不諱言會為兒子將來做更多準備,在兒子出世前,已豪掟2,830萬購入北角半山雲峰大廈,作為兒子安樂窩,努力賺奶粉錢等兒子有更優質生活,做咗爸爸,更深切體會香港教育對小朋友的壓迫,為幫兒子增強競爭力,同老婆亦提早做好計劃。

湊仔大過天,開騷在即的蘇康,日前湊仔陪媽三代同堂出巡,到銅鑼灣利園行街買BB用品,兩歲大的Jazz打扮型仔,已經會行會走仲會擺甫士,有爸爸傍住行,走路時兩手郁郁非常得意,買完嘢,三代同堂行去搭𨋢上停車場攞車,不過,行行吓 Jazz 忽然疾走,蘇康怕兒子走得太快會跌親,即時大嗌了一聲「 Jazz 」,聽到爸爸嗌,Jazz 乖巧走番轉頭撲埋電梯度照鏡,反應超級可愛,爸爸蘇康又點會唔錫到燶!

得身邊好友教路集思廣益,蘇康在 Jazz 半歲時已安排他返 Playgroup 打好基礎,早前兩夫婦被發現帶仔去星二代搖籃 St.Catherine’s 面試學前預備班。據知情者透露:「 Jazz 半歲大已經返 Playgroup,阿公想個仔早啲適應群 體學習環境,學識點同人相處,依家個仔開始大,又要為升小學做準備,好多朋友都畀唔同意見,兩公婆想個仔讀名牌幼稚園打好個底,St . Cat 同唔少名校好似同男女拔萃、ST. Paul Coed 掛鈎,喺嗰度畢業本身就有優勢,有咗好嘅基礎,到時先決定讀傳統學校定國際學校都未遲!」

星二代搖籃

St.Catherine’s 貴為星級幼稚園,吸引到唔少明星為子女報讀,紅磡校舍更為2-3歲小朋友提供學前預備班,當中唔少星二代都在此升讀,好似Kelly兩個仔劉昇同劉琛,蔡少芬張晉兩個女楚兒同信兒,都在此校完成幼稚園課程。

據知情者透露:「老婆想個仔讀傳統名校,覺得名校優質教育對個仔學習會更好,但阿公( 蘇永康 )就唔想個仔讀書有太大壓力,反對個仔讀傳統名校,因為阿公試過陪個仔返Playgroup,成班小朋友一齊唱歌做活動,個仔偏偏唔鍾意跟住做,但返到屋企,聽同一首歌佢就會自己做番啲動作,佢覺得阿仔唔係唔識,只係唔鍾意跟大隊做,呢種性格,如果讀傳統學校會好辛苦,都同老婆爭拗咗一輪,最後老婆都認同佢嘅睇法,決定畀個仔讀國際幼稚園先!」