書展2019

【書展2019】寫真造型搶先睇 52歲溫碧霞為慈善晒半球

書展2019好快就開鑼喇!年年都有唔少女星、𡃁模推出寫真,52歲嘅美魔女溫碧霞(Irene)亦宣布推出第三本寫真集《海潮》,寫真集會有香港版及內地版兩個版本,香港版會以靚相為主,而9月會再推出以自傳形式的內地版,由於Irene是「善學慈善基金愛心大使」,所以她在本月28日將舉行慈善拍賣晚會,捐出80本做慈善拍賣﹐真係人靚心善!

撰文:東方新地 | 圖片:劇照、寫真集、官方宣傳照、電視截圖、微博

【書展2019】溫碧霞寫真 造型搶先睇

書展2019好快就開鑼喇!現年52歲的溫碧霞保養得宜,而佢今次嘅寫真集之所以名為《海潮》,係因為當年電視劇《火玫瑰》中的「海潮」一角令佢,至今仍為人所記得,為感謝「海潮」帶畀佢嘅一切,所以Irene推出第三本個人寫真也以此為名,真係好有意思同紀念性啊!

Irene感恩當年電視劇《火玫瑰》中的「海潮」角色令她走紅至今,所以寫真書名也以海潮為名。

多個造型出現

Irene今次嘅寫真集去咗塞班島取景拍攝,據知會有超過20個造型出現,當中有幾個造型更會用她以前演過的電影、電視角色作為靈感,好似有《胭脂扣》中的高貴表妹、豪邁野性的靚妹仔、誘惑性感的妲己,唔使問梗係仲有招牌跌膊海潮look。