OG2 (3)

台女植睫毛唔敢洗 醫生一挑:有蟲在上面竄

有唔少女仔為咗節省化妝時間,都會選擇做植睫毛,咁就化妝就小一個步驟啦~不過最近台灣嘅眼科醫師林怡汝,日前於綜藝節目《醫師好辣》中就分享一個案例,呼籲大家一定要記得保持眼部清潔,否則會造成很嚴重嘅後果~~

撰文:CM Team|圖片:Youtube截圖

林醫師於節目上透露,自從植睫毛出現,就出現唔少關於眼瞼發炎、結膜炎甚至生眼挑針嘅個案求診。佢解釋多數係因為植睫毛時所使用嘅膠水刺激到眼睛同眼皮,如果眼睛原本就有發炎嘅情況,有可能引發更嚴重嘅問題。

佢分享早前所遇到嘅案例:一個20幾歲上班族女生,於植完睫毛後就覺得眼睛癢癢刺刺,起初不以為意,結果第二日起床發現眼皮整個紅腫起來,到門診檢查後先發現係生眼挑針,醫生推測可能是當時消毒時無徹底清潔乾淨,或者原本就啲發炎狀況所導致,後來醫師就開咗抗生素比佢。

之後女生回診時透露,因為怕睫毛會甩而一直唔敢洗眼睛,於洗臉時會避開眼部,搞到眼瞼上長出了許多密密麻麻嘅白色物質。