白色強人

【白色強人】馮盈盈懶音多遭狠批 網民:簡直係懶音界KOL!

《白色強人》TVB 2019重頭劇之一,由馬國明、郭晉安、李佳芯、唐詩詠等主演,醫療題材一向有收視保證,令唔少劇迷有所期待!之不過,有份主演之一靚女馮盈盈雖然獲網民讚佢演技進步,但同時也遭大批網民彈佢懶音奇多,令觀眾聽得辛苦,而FYY為咗改善懶音問題嘗試以一個方法去改善,到底係咩招數呢?即管睇睇!

 

撰文:東方新地 圖片:劇照、《白色強人》預告片截圖

《白色強人》馮盈盈玩三角戀

d

在《白色強人》主演嘅女演員包括李佳芯、唐詩詠、張曦雯、馮盈盈、朱智賢等,咁多靚女花旦及小花參演,唔打得都睇得!當中,馮盈盈和何廣沛合作飾演一對情侶,二人仲會同吳沚默大玩三角關係㖭!

去年何廣沛、馮盈盈在《萬千星輝頒獎典禮2018》獲頒「飛躍進步男、女藝員獎」﹐實行拍住上吸金!

馮盈盈:同何廣沛4唇疊埋

而昨晚播出的一集,何廣沛因為見到個10歲小男生要截肢,令他甚為難過,暗戀他多時的馮盈盈上前安慰,更主動送出一吻示愛,今次係盈盈獻出熒幕初吻給拍檔何廣沛,佢話之前喺《果欄中的江湖大嫂》只是借位,「無花無假,4塊嘴唇疊埋一齊。記得拍攝時好凍,廣沛揸咗好多潤唇膏。」