鄭世豪

【愛回家】細龍生於《皆大歡喜》演23個無名閒角!鄭世豪感激太太力撐圓音樂夢

TVB處境劇《愛.回家之開心速遞》深受觀眾歡迎,細龍生(鄭世豪飾演)與細龍太(陳偉琪飾演)的有趣互動都好出位,但早前有傳細龍生與細龍太戲裡戲外都出雙入對,被拍得相約行街,對於與細龍太傳出緋聞,鄭世豪急急於Instagram發文澄清否認仲話只愛世豪太。睇番細龍生入行多年,由無名閒角演到男配角,更自資出碟,而世豪太都一直支持,難怪世豪急急出來澄清仲講愛的宣言啦!

 

撰文:娜仔|圖片來源:YouTube截圖鄭世豪ig

鄭世豪由無名閒角演到男配角

現年40歲的鄭世豪於2001年投考藝員訓練班而入行,多年內演過不少閒角,而近年就憑《愛.回家之開心速遞》「細龍生」一角而嶄露頭角。其實在入行初期,鄭世豪曾經在《皆大歡喜》古裝版先後演出23個閒角,包括路人、賭徒、小販、山賊、江南七怪、街坊、侍衛、蓬萊旅遊客人、地保、藥舖伙記、周公子、東洋人、衣裳竹小販、書生、派紙人、金歡、衙差、獄卒、丈夫、太監、全真七章子、士兵等,雖然角色都係冇名又唔起眼,但鄭世豪一直用心演好每個角色!