出席活動上落要人攙扶 阿嬌鍾欣潼發福疑懷孕？！
撰文：東方新地｜圖片：東星娛樂 、微博、Instagram
內地出席活動鍾欣潼發福疑懷孕
本月24日，阿嬌在橫店出席粉絲見面會，可以見到她身穿牛仔褸、白色長裙，身形異常脹爆，結婚時尖削的下巴已經消失，剩下的只有一條水桶腰，以及埋藏在白紗之下的天然巨躉。
即使披上了外套，隱若之間仍然可以看到阿嬌強壯的麒麟臂。而最令人生疑的是，可以見到阿嬌上落都需要工作人員攙扶，而下台之後，更立刻換上平底鞋。
3月份已盛傳造人成功
阿嬌一直都想有自己的小朋友，而為了保障受孕機會率，她在婚前特地為「造人計劃」而雪了3顆卵子。而在3月的時候，亦曾傳出過她懷孕的消息。同樣是出席活動，當時阿嬌穿著鬆身衣加上肚子凸起，孕味極濃！
加上再較早前，阿Sa與Joey同遊日本，阿嬌本應一同被邀旅行，不過後來她卻主動推卻！多年好姊妹的阿Sa去旅行都不忘tag阿嬌並留言：「爭你呀！下次必須join!」，究竟因何事而令阿嬌缺席閨蜜旅行？背後原因實在不免令人多想！
3月時阿嬌否認傳聞，指「會開始減肥，但減肥也需時間，不能馬上減掉」，並透露「今年內沒有生育計劃」。事隔三個月，說好的減肥明顯沒有，反而發胖的程度令人覺得誇張。其實阿嬌都已經38歲，屬於高齡產婦，加上結婚已有一年，如果真的是懷孕了也不出奇，亦相信不少粉絲都會為她而高興！
即時回顧：鍾欣潼自揭飲花膠湯勁減5、6磅 為做至索新娘積極瘦身！
鍾欣潼曾體重急升
話說阿嬌嘅體質相比起阿SA其實較容易肥，2015年準備Twins演唱會時，阿嬌就曾因荷爾蒙失調問題及服藥因素，而導致體重急速上升。
而且小腿更係重災區，不過最後阿嬌之後都瘦番，但及後又因與當時仲係男朋友嘅賴弘國（Michael）蜜運，而令佢自爆體重回到113磅，變成「幸福肥」！
阿嬌隨後亦不時喺Instagram哂自己努力做運動嘅點滴，以證自己為身形而努力鐵證！
鍾欣潼自揭飲花膠湯勁減磅
然而，下個月20號就會同賴弘國喺香港擺酒嘅阿嬌，上月就喺IG上載一條名為「阿嬌婚前減肥日誌」嘅兩段短片，記錄自己衝刺減肥嘅過程！
阿嬌在片中透露自己依家用梗嘅減肥方法，就係以花膠湯調理身體同補充能量，只吃肉同菜，戒甜食及澱粉質食物，加上做運動，短短幾日已經減了5、6磅，效果顯著！
大爆自己現時體重
阿嬌更公開自己體重，見到目前係51.3kg，即約113磅，骨骼肌18kg，至於體脂就17.5kg，不過阿嬌嘅目標係45kg，即要以99磅弗爆身型成為賴太，結果企喺旁邊嘅教練即刻話「太瘦」！
大呻「唔得」嘅阿嬌仲緊張到用手比劃出婚紗嘅「蜂腰」，為咗做個最靚新娘，難怪佢立志要減多5至6kg！
