小心！HIFU做落眼 有機會燒燶眼
廣告
眼紋嘅出現其實係一件避免唔到嘅事～任個人都會老，隨着年齡增長，肌膚膠原流失，無論用乜護膚品，都只能延緩眼紋出現～若然你太懶唔塗防曬，長時間暴曬都會加速肌膚老化速度；仲有大力擦眼，或落妝太用力等等壞習慣，都會導致眼部皮膚鬆弛，引起皺紋形成。
撰文：CM Team｜圖片：網上圖片
想減淡眼淡，除咗做足補濕同防曬，坊間上有唔少人會用非手術方式去除眼紋，例如：注射肉毒桿菌毒素、玻尿酸、激光及射頻眼部除皺，以上方法都有助改善情況。
之但係見過有美容院推出HIFU眼部除皺療程，不過HIFU做落眼？好似有啲危險喎，由於包圍眼球周邊嘅眼皮好薄，若HIFU治療使用嘅眼罩覆蓋範圍不夠廣，高能量聚焦超聲波有機會經皮膚穿透視網膜，引致飛蚊、視網膜脫落等問題。之前都有案例，有顧客使用HIFU機提升眼肌時，眼虹膜被灼燶，甚至眼內晶體遭「煮熟」導致白內障，需做白內障清除手術，開刀植入人工晶體挽救視力。
於上年慘被燒燶眼的李太，憶述於瑜伽圈子中，結識一位家有HIFU機的非美容師朋友，於其家內進行HIFU療程，在進行時已感雙眼灼熱，即晚視力變模糊，求醫後證實左眼虹膜有兩處灼傷，晶狀體混濁，更有兩道長達三至四毫米的「射痕」，相信是遭HIFU射傷。李太最終確診白內障，需植入人工晶體挽救視力。
HIFU射眼角風險太高，加上政府對於操作HIFU儀器人士未有明確規管，所以有唔少眼科醫生都唔建議大家接受呢種療程。都係果句，以上內容只作參考，做任何療程都要搵專業可靠，甚至有認證執照的治療師或醫生問清楚喔。另外，進行美容注射時，都要了解多d安全及風險呀。
