OG2

日版蛇精男P圖過火似蠟像 愛P圖可能患上醜陋恐懼症

今時今日修圖App愈出愈多花臣,就算素顏、爆瘡、大細眼,撳一撳掣一秒就可以還原靚靚。但有無諗過當P圖變成生活日常,唔單止上癮,仲有機會患上心理病?其實喺2013年,德國馬爾堡大學學者都曾經發表過「醜陋恐懼症」嘅研究結果,「修圖成癮」分分鐘成為病患者!

撰文:CM Team |圖片:網上圖片

「醜陋恐懼症」通常喺青春期發病,大部分患者都係女性。美國波士頓醫學中心分析,全球大概有1.7-2.4%人(即50個人就有1個患者)受影響,輕則長期依賴修圖App,害怕望到自己原來嘅樣貌;重則會沉迷整形手術,甚至有自殺念頭。想變靚,結果可能搞出人命真係好恐怖~

到底「醜陋恐懼症」有咩病徵!

病徵1:經常照鏡

唔止女士,好多男士都會鏡不離身,甚至用鏡面Mon貼,想隨時隨地可以望到自己個樣。如果照鏡時,會不停搵自己缺陷,繼而有負面感覺,對五觀或身體評價過份苛刻,都係「醜陋恐懼症」病徵之一。