OG2

Mariah Carey減11kg無反彈!必知縮胃手術後遺症

香港人嘅飲食方式好極端,一係為咗份工求求其其解決一餐,放假就大魚大肉不停食,加上少時間做運動,好易出現肥胖問題。根據香港播道醫院統計,每10個人之中就有1個人患有二型糖尿病,當中大部分人有過重問題,而且唔可以靠節食減肥,人稱「縮胃」手術就係令人降低食量嘅減肥手術,到底呢個手術有幾work?

撰文:CM Team |圖片:網上圖片

Mariah Carey -11kg

喺2017年,歐美著名歌手Mariah Carey因為經常以美食抒發壓力,過去體重不斷忽上忽落,以120kg體重出席表演,被網友批評肥到跳唔郁,由當年「花蝴蝶」變成「折翼蝴蝶」,之後搵名醫做咗「縮胃」手術減重,令自已胃口變細、唔容易變肥,之後減走11kg,雖然睇落都算「有肉地」,但行動就靈活咗唔少。

英國網紅險送命

雖然「縮胃」手術嘅誕生係為咗幫一班過重人士,不過幾年前英國網紅Venus Palermo,亦因為自我評論似「大象」而做「縮胃」手術。身高5呎6吋,體重119磅嘅佢,非常鍾情日本動漫文化,經常Cosplay成為動漫角色,有「真人版洋娃娃」之稱。