羅仲謙

羅仲謙喜洩做老竇 楊怡等生豬BB

結婚三年楊怡羅仲謙的造B工程一直只聞樓梯響,夫婦二人長期分隔兩地工作,更一度因為楊怡脊椎問題要延遲生B,不過最近楊怡已變得深閨,就連老公謙謙主演的電影《小Q》上映,亦未見她出來撐夫造勢,被指停工等做人母。楊怡收埋自己唔見人,擔起頭家留港半年為無綫開劇的謙謙,日前就胸有成竹揚言:「呢半年可以留香港拍劇,都係時候要實行生B啦!」精壯如謙謙,集中火力努力造人應該冇難度。今個月底便40歲的楊怡,早前有好友郭晉安傍實出街,戴口罩又剪短髮,為陀BB做好萬全準備。