棄婦Mandy Lieu遭洗米華流放海外 袋3億分手費長駐英國
撰文、圖片：東方新地
Mandy Lieu袋3億分手費遭流放英國避面阻阻
入宮夢碎的Mandy Lieu頓成棄婦，雖然戰敗仍有兩女一子做 愛的見證，有指洗米華豪擲3億分手費絕不待薄她，不過為免日後兩家人同處一地尷尬，Mandy Lieu要長駐英國，被流放海外。五年時間換來超過3億身家及3個仔女，Mandy Lieu點計都有得著。
生3個曾得寵高一線仍不敵正印Heidi
剃人頭者Mandy Lieu未等到有人剃其頭，已經被打入冷宮。曾 經意氣風發，拖住人夫周焯華（洗米華）在港現身，擺明向洗米嫂 Heidi宣戰的Mandy，當時她的高調小三行徑激怒了Heidi，更不惜 為洗米華生仔一心箍住對方。15年，Mandy與Heidi先後為洗米華生B，論得寵程度，Mandy的確高一線，不過即使洗米嫂一怒之下 提出離婚，洗米華都拒絕應承。
也許當時愛得轟烈，洗米華被Mandy迷得一陣陣，而曾被形容 為「最強小三」的Mandy誕下大女後，她以為自己勝券在握，愈戰愈 勇，可惜等了接近五年，Mandy發現洗米華不單沒有搞離婚手 續，反而積極挽救與洗米嫂的婚姻，因此經常為此與洗米華吵 架。
逼婚成分手導火線 5年情不再
有指洗米華習慣每月抽空到英國探望，但近年雙方關係已不再 甜蜜。據知情者透露：「洗米華最唔鍾意畀人威脅，次次飛去英國見Mandy都係鬧交收場，又點會開心？其實去年開始洗米華已經 減少咗去英國，今年年初Mandy終於忍唔住向洗米華要求結 婚，又話自己犧牲咁多幫佢生咗三個仔女，洗米華拒絕，呢一次 吵大鑊令雙方關係變得更差，最後更分手結束五年情，經雙方協 議下三個仔女交由女方撫養，洗米華會負責所有費用，同埋可以 隨時探仔女。不過分手都有條件，就係唔可以高調返香港，洗米 華始終要顧及正印Heidi一家嘅感受，所以Mandy要繼續喺英國生活。」
豪擲3億分手費 +英國5間公司封Mandy口
洗米華是個有擔帶的男人，對於Mandy與兩女一子日後的生 活，他絕對願意負責。據知洗米華以三億元做分手費作補償，並私下把英國名下五間公司轉贈給Mandy，業務分別涉及時裝、設 計、美髮及其他美容服務，還有食品或煙草零售行業。
另外洗米華之前曾大手送贈約9千多萬元的香港西半山珒然豪宅給Mandy，及後她蝕幾十萬元出售套現，保守估計Mandy現有幾億身家在手，感情投資錯誤留唔住洗米華，生活總算永遠有保障。
洗米華再遇松岡李那講唔停 張建聲彈開讓座
澳門賭業猛人洗米華(周焯華)有錢有型有地位，除了靚靚正印Heidi，又有紅顏知己Mandy Lieu。去年6月洗米華被影到喺夏威夷醉攬日模松岡李那，令女方一夜爆紅，疑似做小四！日前洗米華同松岡喺晚宴上再遇，傾到雞啄唔斷兼一齊敬酒，搞到張建聲都要讓出本來自己個位，識做地彈開！
撰文：東方新地
洗米華 有松岡陪伴現身婚禮
洗米華有錢有型有地位，自然多女埋身，其中一個係日模松岡李那 ！去年安以軒和澳門百億富商陳榮煉在夏威夷舉行盛大婚宴，松岡雖然唔係男女家親友，但就獲准陪伴洗米華出席，席間佢亦冇同一班名人賓客交流，只係四圍自拍留念。
松岡李那洗米華 辣身舞片段流出
婚禮當晚after party上，洗米華和松岡李那在安以軒婚禮上的辣身舞片段，離奇在網上瘋傳，片段中所見，松岡雙手箝實洗米華，然後不停擺動蛇腰、扭籮，如連體嬰，洗米華面紅紅，面帶醉意。
松岡李那不停炫富
雖然松岡即時將與洗米華的IG的婚禮片段刪走，不過就大晒坐私人飛機的照片，相片中落咗妝的松岡攬實枕頭，瞓在私人飛機上的大床，意態撩人。雖然松岡扮未有出席婚宴，但卻自拍高炒三點式的片段po上IG，展示check in地址是夏威夷威基基海灘，一副戰鬥格的松岡李那，招數抄足Mandy，明向對方挑機。
松岡近來工作量不多，但不時大晒坐豪華長轎車及富豪遊艇上的相，突然富貴。
洗米華再遇松岡講唔停
事情冷卻了一段時間，但昨晚蕭定一公司舉行週年晚宴，洗米華同松岡李那再次相遇！消息指洗米華原本同蕭定一坐主家席，而松岡就同張建聲等演員坐喺相隔頗遠的另一枱，但洗米華一見到松岡就即刻好開心坐埋去，傾到雞啄唔斷，張建聲見狀都識做彈開，最後讓埋個位俾洗米華坐！
之後蕭定一去到洗米華同松岡張枱敬酒，洗米華同松岡即時起身合照，仲一齊敬酒！
