37歲蔡卓妍演藝事業再創成就 獲封雙料影后視后

娛聞

廣告

2019澳門國際電影節及澳門國際電視節頒獎典禮於本周 日(22日)盛大舉行,英皇電影再度大豐收,蔡卓妍更歷史性創出個人最高成就,一手包攬電影最佳女主角獎及劇集最佳女主角獎,成雙料影后視后,而任達華則贏得劇集最佳男配角, 至於麥兆輝則憑《廉政風雲 煙幕》獲最佳導演,威到盡!

撰文、圖片:東方新地

蔡卓妍獲封雙料影后視后 下巴腫腫去拎獎

阿Sa分別憑電影《非分熟女》及電視劇《 PTU機動部 隊》獲頒最佳女主角,歷史性兼得影后與視后殊榮,她稱澳門向來是她的福地:「我嘅公公婆婆曾經喺澳門生活咗一段好長時間,我每次去到澳門,無論表演或者攞獎,都感覺到喺天上嘅公公婆婆守護住我,今次得獎別具意義。」

阿Sa近年不斷 挑戰高難度角色,對獎項抱隨緣態度:「入行多年,試過各項提名,都攞過一啲獎項,證明業界同觀眾對自己嘅肯定,獎項永遠無得預測,我會努力去演好每一個角 色,因為自己真心鍾意演戲!」談到近期的健康狀況,阿 Sa 表 示:「之前一直覺得下巴腫腫,以為肥咗,後來去照磁力共振,結果係淋巴囊腫,有兩粒嘢黐住口水腺位置,好彩唔係惡性,希望盡快康復。」

任達華奪劇集最佳男配角麥兆輝獲最佳導演獎

至於憑劇集《破冰行動》榮獲最佳男配角獎的任達華盛裝赴會,華哥開心表示感恩:「最重要多謝導演,仲有劇中演員吳剛、王勁松,同埋飾演我個仔嘅黃景瑜,有佢哋先會有我呢個角色。」

而憑《廉政風雲煙幕》獲最佳導演獎的麥兆輝,坦言最想多謝英皇老闆楊受成:「若非同楊老闆相識多年、合作無間,都唔會有《廉政風雲煙幕》,呢齣戲對我嚟講意義非凡,以往我一直同好多導演合作,而呢齣就係我一個人嘅導演作品,自然別具意義。」