去年九月被爆排期結婚喜訊後,林峯同老婆張馨月愈見高調,兩口子每天都咁甜蜜!

40歲林峯為妻違父令 與29歲夫人張馨月過二人世界唔趕生B

娛聞

廣告

2019年娛圈大喜訊,肯定係鑽石暖男林峯同國模女友張馨月拉埋天窗,出名浪漫的峯哥,在社交 網po相放閃,牽住老婆手晒出婚戒,以愛的宣言宣布喜訊,將愛妻寵上天!羨煞旁人!

撰文、圖片:東方新地

林峯正式封盤!吳千語堅拒祝福舊愛

暖男筍盤林峯結婚了!有人快活有人愁,出名體貼,寵女友無微不至的林峯, 2019除夕宣布封盤,同拍拖未夠兩年的張馨月拉埋天窗,正式成為林太的張馨月,得林峯及夫家錫到燶,成為人妻勝利組,林峯公布喜訊更甜爆冧妻,高調晒愛的宣言:「往後的歲月有妳相伴,我的夫人張馨月!」令林太甜入心,夫妻幸福合拍,葡萄走寶的吳千語,日前出席活動堅拒祝福舊愛:「唔想評論!」全程表現冇量度,幸福人妻不是我,只能怪自己當初唔識珍惜!

0
去年九月被爆排期結婚喜訊後,林峯同老婆張馨月愈見高調,兩口子每天都咁甜蜜!
0
新婚的張馨月,在 12 月 17 日 Po 出身穿黑禮服性感照,當時左手無名指已戴有結婚戒指。
0
林峯上年除夕在社交網 Po 出與老婆張馨月戴上婚戒拖手合照公布喜訊,宣布正式成家立室,愛妻號的他盡展寵妻甜蜜,更留言話:「往後的歲月有妳相伴,我的夫人張馨月!」林太肯定甜入心!

林峯為妻違父令 先過二人世界唔生B

拍拖兩年, 能夠成功將「最佳男朋友」林峯私有化,林太張馨月超越超級港女吳千語絕對合情合理,早已做足一百分的峯嫂, 對林峯體貼照顧入微外,聽教聽話更深得林峯父母歡心,雖然 豪門婚宴稍後才舉行,但決定40歲生日做人夫的林峯,為冧妻反傳統低調先簽紙給張馨月「林太」名份,老爺奶奶飲過新抱茶, 亦叮囑一對新人盡快為林家開枝散葉,不過寵妻號林峯,想爭取時間過吓二人世界,激罕違父令暫緩生B,不過對兒媳錫到燶的林峯父母,亦開通體諒乖仔, 兒子全權話事!話晒29歲張馨月仲年輕,生多幾個都冇難度!

0
新婚一個月的林峯,單拖出動到西環健身,手執背囊的他,左手無名指露出婚戒。
0
林峯將投入拍攝電影《倚天屠龍記》,一有時間就搵健身教練操fit。
0
新婚的他更去到邊度都笑容滿面,當日做完Gym,臨走時同教練拜拜亦四萬咁口。
0
林峯在麵包店內揀包揀得非常認真,相信是想揀啱口味氹老婆!

林峯夠浪漫 將林太張馨月寵上天

暖男林峯將老婆寵上天,婚前裝修薄扶林複式單位愛巢,亦交由張馨月全 權話事,早前張馨月悉心在家布置聖誕樹,還在社交網大晒林峯讓她布置影視 廳,張馨月精心設置了一個零食櫃,盡顯夫妻甜蜜生活一面,完婚後林峯又為老婆安排了日本飄雪蜜月之旅,不停為愛妻製造驚喜。

0
林峯悉心為老婆安排北海道滑雪度蜜月,給第一次滑雪的張馨月製造驚喜!

據知情者透露:「張馨月好善解人意,佢對婚禮嘅嘢冇大意見,完全交畀老公同夫家話事,阿峯係超級好男人,時刻想製造驚喜畀老婆,雖然低調註冊先,不過嚟緊婚宴都好大型,奶奶亦準備咗家傳之寶送畀新抱,註冊完之後,阿峯仲特登為老婆安排咗個北海道滑雪之旅,因為張馨月第一次滑雪,成個旅程都好多驚喜,有老公喺身邊細心教路,佢哋玩得好盡興!」祝林生林太繼續幸福落去!

0
每個節日都有影皆雙,兩人在Halloween 一齊扮鬼臉!簡單相處已經好滿足!
0
寵妻號林峯更為老婆在家中的影視廳內設置零食櫃,體貼爆燈!
0
林峯夫婦近期就經常夾啱時間放閃,上月Boxing Day兩人在家中的聖誕樹旁合照,好明顯係出自老公同老婆視覺!