阿Bob、麥玲玲摸心口激情合唱〈好好戀愛〉 網民爆笑阿Bob親身回應

娛聞

廣告

由葉念琛執導,陳家樂、李靖筠(Gladys)、吳家麗、林盛斌(阿Bob)、麥玲玲、郭奕芯、倪晨曦、糖妹(黃山怡)、孫慧雪、張建 聲、岑珈其等主演嘅英皇電影《我的筍盤男友》於今個農曆新年隆重上映,導演同一眾主角近日馬不停蹄四出宣傳,早前佢哋拉大隊上 咗無綫節目《流行經典50年》,阿Bob同麥玲玲合唱一曲〈好好戀愛〉,更惹來網友極大回響!

撰文、圖片:東方新地

阿Bob、麥玲玲合唱 李靖筠難忘陳嘉樂扮霆鋒

在節目中,陳家樂、Gladys、阿Bob、麥玲玲、區永權、孫慧雪組成三個對唱組合,分別演繹〈刻不容緩〉、〈好好戀愛〉及〈來夜方長〉,大家事前亦秘密練兵,家樂坦言:「其實我對自己嘅歌藝冇乜信心,當年參加新秀因為我表演慾強,喜歡拍片扮鬼扮馬氹人開心,老師、同學就以為我好鍾意唱歌,先代我報名咋。」Gladys對家樂嘅歌藝大表讚賞,仲話好難忘《我的筍盤男友》中一幕家樂扮師兄謝霆鋒大唱〈玉蝴蝶〉:「真係好冧!」

0
《我的筍盤男友》主角陳家樂、Gladys、阿Bob、麥玲玲、區永權、孫慧雪 以及導演葉念琛拉大隊亮相《流行經典50年》,掀起城中熱話!
0
Gladys難忘家樂扮霆鋒唱〈玉蝴蝶〉,原來除咗霆鋒外,家樂仲會扮張學友、郭富城, Gladys 更大讚佢扮得神似㖭!
0
一向係搞笑能手嘅阿Bob,今次喺片中嘅角色造型,同樣惹笑!

阿Bob、麥玲玲唱到摸心口 網民爆笑回應合集

導演葉念琛特別欽點阿Bob同麥玲玲兩位非唱家班合唱〈好好戀愛〉,二人手拖手對唱相當投入,而阿Bob將手放喺麥玲玲胸口嗰個ending動作,震撼爆笑,唔止引起網民熱議,連現場嘅工作人員都話好正笑到肚痛!

0
阿Bob同麥玲玲十指緊扣對唱,之後阿Bob將手放喺師傅胸口上嘅ending ,引起好大回響,事後玲玲為拍檔澄清:「其實阿Bob只係將手放喺我條頸對落少少,未到心口位置,所以佢冇抽水,大大個Bob嫂在場,佢敢咩?」

網民表示……:

一定係推開佢,除非唔係

我諗都只係咸濕姐, 又唔係大奸大惡

你老婆就算呷醋都唔好意思呷

心玲感應

睇掌睇掌睇相

感受心裡的花

心肝仔 Bob Bob 跳

當事人出現!表示摸心口係……

0