34歲周秀娜破例再sell性感 同Dada做姊妹造型百變又sexy

娛聞

廣告

近年收起性感嘅周秀娜,由𡃁模轉型做演員,唔sell身材 sell實力,成功殺出一條血路。不過佢最近喺新片《家有囍事》 中又要再次行性感,有一幕全身包住條毛巾,內裡只著底褲嘅 場口,起飛腳一剎那令人充滿遐想!

撰文、圖片:東方新地

周秀娜做性感打女 只圍浴巾打到癲

電影中嘅周秀娜(Chrissie)同陳靜(Dada)飾演老千姊妹花,造型百變又sexy,周秀娜話因應劇情而破例:「今次同陳靜 做兩姊妹,佢賣腦我賣力。大露背都係因應劇情需要而唔係刻意賣弄性感!拍嘅時候亦清場做足安全措施,唯一困難,係點樣打住但要捲得條毛巾靚。」Dada就話雖然以往同Chrissie合作過好多次,但都冇對手戲,今次演姊妹大家都好有默契。

 周秀娜同陳靜於新片中飾演老千姊妹花,過往 有多次合作經驗,今次自然駕輕就熟。
周秀娜同陳靜於新中飾演老千姊妹花,過往有多次合作經驗,今次自然駕輕就熟。
0
近年收起性感嘅Chrissie,今次為咗呢場動作戲唔介意包住浴巾、只著底褲示人。
0
老千姊妹花造型百變又sexy ,周秀娜同Dada更谷胸扮兔女郎㖭!

Chilam做俠盜 大讚張繼聰搞笑

至於男主角張智霖孖張繼聰同黃百鳴飾演俠盜三兄弟,Chilam話對住張繼聰經常忍唔到笑:「阿聰真係好搞笑,令我每日都好期待開工,而打戲就交畀兩位女演員!」張繼聰透露戲中同Dada係一對歡喜冤家:「我喺戲入面冇乜長處,主力運輸,千術、魔術都冇我份,所以就好花弗咁追女仔。」

0
身為導演兼演員嘅黃百鳴(中),透露當中有好多橋段都係意想不到:「有千術、 賭術、魔術,娛樂性好豐富,笑之餘亦有溫情。」
0
戲中將重現多個搞笑經典場面,阿聰自爆:「我會gel 番當年周星馳個髮型頂住頂帽,拍完嗰場戲我要勁力洗頭至洗得甩㗎!」
0
對住扮「任何仁」嘅張繼聰當面「露鵰」 呢一幕,Chilam話笑到收唔到聲。