feat_1157_7

蔡少芬為B仔𦧲上契 陳法蓉驚被分身家拒絕

蔡少芬同陳法蓉一對相識逾廿年嘅閨密,日前齊齊下廚向大家拜年,過程笑料百出,當中蔡少芬更大爆老友大派「檸檬」拒絕同佢個仔張樂兒上契!

撰文:東方新地 圖片:東方新地、蔡少芬微博、陳法蓉微博


蔡少芬自誇好煮得包辦全家伙食

兩位廚藝高手一較高下,Ada自誇:「我煮咩都OK,阿女返學飯盒同點心都係我準備。」 又大讚老友:「其實我哋兩個煮嘢都叻,叻喺唔同範疇,Monica蒸嘢好叻。」

蔡少芬、陳法蓉和洪欣是娛樂圈出名的好姊妹。
蔡少芬、陳法蓉和洪欣是娛樂圈出名的好姊妹。

踏入新春佳節,蔡少芬同陳法蓉呢對閨密實行搞搞新意思,齊齊大煮兩道賀年菜,同大家拜年。
踏入新春佳節,蔡少芬同陳法蓉呢對閨密實行搞搞新意思,齊齊大煮兩道賀年菜,同大家拜年。

蔡少芬自誇廚藝了得之餘,又大讚老友識煮兩味,陳法蓉沾沾自喜表示認同:「係呀,我曾經喺蔡瀾節目,煮過冬菇煀雞,蔡瀾試食後話係佢食過最好食嘅冬菇煀雞。」
蔡少芬自誇廚藝了得之餘,又大讚老友識煮兩味,陳法蓉沾沾自喜表示認同:「係呀,我曾經喺蔡瀾節目,煮過冬菇煀雞,蔡瀾試食後話係佢食過最好食嘅冬菇煀雞。」

為B仔𦧲上契 陳法蓉驚被分身家拒絕

期間蔡少芬竟大爆秘密:「我本身打算契個仔畀佢,等佢有條仔,而且仲要係靚仔㖭,點知佢唔肯,我老公都叫我唔好迫佢。」陳法蓉反擊:「點解要契呀?分身家畀你個仔呀?我有好多朋友都有小朋友,好難個個契,既然我同你關係咁好,唔使契啦。」估唔到陳法蓉諗到咁長遠囉!

二人憶述 03 年合作大陸劇《水月洞天》,當時大家嘅粉絲喺網上互鬧,陳法蓉指:「我啲粉絲鬧佢做『冇飯食嘅排骨』,而佢啲粉絲鬧我做『匿喺鏡後嘅老妖怪』,之後我哋拖住手同啲粉絲講,其實我哋真係 friend ,跟住先冇再互罵。」
二人憶述 03 年合作大陸劇《水月洞天》,當時大家嘅粉絲喺網上互鬧,陳法蓉指:「我啲粉絲鬧佢做『冇飯食嘅排骨』,而佢啲粉絲鬧我做『匿喺鏡後嘅老妖怪』,之後我哋拖住手同啲粉絲講,其實我哋真係 friend ,跟住先冇再互罵。」

蔡少芬大爆本想將囝囝契畀陳法蓉,點知遭對方一口拒絕,搞笑話怕被分身家,唔知好嬲定好笑!
蔡少芬大爆本想將囝囝契畀陳法蓉,點知遭對方一口拒絕,搞笑話怕被分身家,唔知好嬲定好笑!

蔡少芬去年以46歲高齡誕下第三個B,完全係集萬千寵愛於一身!
蔡少芬去年以46歲高齡誕下第三個B,完全係集萬千寵愛於一身!

好姊妹就算唔上契,睇陳法蓉眼神已經知道將來一定會錫到佢燶!
好姊妹就算唔上契,睇陳法蓉眼神已經知道將來一定會錫到佢燶!