吳君如停工舉家外遊散心 非常時期外遊順便撲口罩

娛聞

廣告

依家武漢肺炎肆虐,人人自危,唔少人都會自我禁足以防染病,但喺屋企咁多日又悶到發慌,可以點?好似吳君如同陳可辛咁,帶埋囡囡陳是知出走香港,到外地散吓心囉!

撰文、圖片:東方新地

吳君如舉家外遊散心 做足防疫措施包到實

日前吳君如聯同陳可辛及囡囡,仲有囡囡嘅表姐以及工人姐姐一 行五人現身機場離境大堂,個個戴上口罩喺櫃枱辦理登機手續。君如表示一家人打算出國輕鬆吓:「出去幾日散吓心,小朋友停課冇得返學,喺屋企唔係辦法,好悶!」正值非常時期外遊,君如話會做足預防措施,至於會唔會順道撲口罩?君如無奈慨嘆:「唉,呢啲唔諗,唔知呀,都唔知買唔買到。」

君如同陳可辛及囡囡一家三口,決定離開香港外遊散心,總好過鬱喺屋企悶。
君如同陳可辛及囡囡一家三口,決定離開香港外遊散心,總好過鬱喺屋企悶。
13歲囡囡陳是知唔使返學,拉埋感情要好嘅表姐同行。
13歲囡囡陳是知唔使返學,拉埋感情要好嘅表姐同行。
君如話依家全世界都停晒工,百無聊賴好得閒,順道出外撲口罩。
君如話依家全世界都停晒工,百無聊賴好得閒,順道出外撲口罩。
一行五人行到離境大堂,由一家之主陳可辛 負責到櫃位 check-in 。
一行五人行到離境大堂,由一家之主陳可辛 負責到櫃位 check-in 。
君如一行人個個戴上口罩,做足預防措施。
君如一行人個個戴上口罩,做足預防措施。

陳可辛賀歲片撤檔上映無期

講到工作,君如話家陣全世界都停晒工,而佢監製嘅電影《媽媽的神奇小子》正努力做緊後期。至於導演陳可辛套賀歲片《奪冠》因為受疫情影響而要撤檔,暫未知幾時再上映。咁嘅時勢,惟有見步行步啦!

君如點捨得囡囡停課留家悶到發慌,梗會想盡辦法為一家人打發時間。
君如點捨得囡囡停課留家悶到發慌,梗會想盡辦法為一家人打發時間。
萬聖節齊齊陪愛女癲扮鬼扮馬,錫女錫到燶!
萬聖節齊齊陪愛女癲扮鬼扮馬,錫女錫到燶!