Clip_28AAfeaa

《無雙譜》新舊對照

 

相信好多90後都唔知台慶劇《無雙譜》講乜!其實係翻拍1981年同名電視劇,劇中包含三個神話故事《易釵》、《陸判》及《追魚》,藉此帶出只要心存善念,就有好報。新版由田蕊妮、黎耀祥、黃宗澤、黃浩然、郭羨妮同岑麗香主演,基本角色同舊版差唔多,部分主角更一人分飾兩角,依家先同大家睇吓新舊角色分別!


 

《易釵》主要角色

段鳳三田蕊妮(新)

Clip

李琳琳(舊)

段鳳三A


劇中貴為大將軍嘅段鳳三,論反串造型似乎大塊田man好多,琳琳姐仍然帶點女性嬌柔味。

 

段素四田蕊妮(新)

Clip_2a

李琳琳(舊)

段素四a


段素四係段鳳三孿生妹妹,既然係Twins而且又係女人,二人再分身演出合情合理。

 

阮心讓 黃浩然(新)

Clip_11a

湯鎮業(舊)

阮心讓a


阮心讓屬書生一名,二人都散發住書卷氣息,不過後者留蔭髮型,今時今日睇番有點土!

 

《陸判》主要角色

朱爾旦 黎耀祥(新)

朱a

陳欣健(舊)

05410408531B42D16A0A4F52036A4855 (2)a


黎耀祥同陳欣健演才疏學淺又好色嘅朱爾旦,演技各有千秋,但扮好色男似乎視帝黎耀祥更勝一籌!

 

一品香 郭羨妮(新)

Clip_7a

姚煒(舊)

佘還珠a


二人都係演名妓一品香,論騷味肯定係前輩姚煒贏晒,舉手投足更係入木三分!

 

佘還珠郭羨妮(新)

Clip_4a

姚煒(舊)

05410408531B42D16A0A4F52036A4855 (1)b


劇中佘還珠係朱爾旦之妻,因丈夫唔長進而感到好無奈,而郭羨妮以倀雞形象配以超over表情,經常打罵老公;而姚煒多以言語及面部表情表達不滿,難度較大。

 

陸判韋家雄(新)

Clip_27a

譚炳文(舊)

054104085243F5096A0A412DECAEA669A


韋家雄呢個紅面look,驟眼睇以為佢扮緊關公,反而炳哥黑面神造型,更貼合掌管人間生死嘅陸判。

 

《追魚》主要角色

張珍 黃宗澤(新)

Clip_22A

關聰(舊)

_07MC011_A


一睇就知二人演呆直書生張珍,相信大家對關聰唔熟識,其實佢係著名老牌演員關海山兒子,70年代都算係大台小生之一,86年退出娛圈定居台灣從商。

 

鯉魚精岑麗香(新)

Clip_21B

李司棋(舊)

_27MB006_A


司棋姐81年憑此角色爆紅,84年出世嘅香香當然冇睇過!不過香香表示拍攝前有參考過司棋姐當年演出,覺得最難係對白,經常搞唔清古代同現代用語。

 

洪牡丹 岑麗香(新)

Clip_23A

李司棋(舊)

_07MC011_b


香香話曾睇過司棋姐版本,難怪佢呢過斜睥眼神,真係跟對方有幾分似!

 

三段故事大綱

 

《易釵》

Clip_8A Clip_10A


大宋景禧年間,太子懷疑國舅桑德意圖謀反,暗中差派段鳳三潛入遼國搜集證據,孖生妹妹段素四自動請纓暫作鳳三替身,雖成功掩人耳目,但鳳三妻子對枕邊人已泛起疑心,素四不斷施計解困,另方面因重遇舊情人阮心讓芳心大亂,但心讓大病失憶已忘掉往事,誰料太子突然失蹤,靈鳥時來風報夢給鳳三,各路人馬追尋太子,過程高潮迭起,素四遭受重擊,性命危在旦夕,心讓終回想一切,痛心欲絕。

 

《陸判》

Clip_18A Clip_19A


京城水災,禍及十王廟,書生朱爾旦奮力拯救陸判像,因而與陸判結下不解之緣,爾旦奇妙經歷死而復活,當他還陽回家與妻子還珠重聚卻相對無言,爾旦到妓寨借酒澆愁遇上名妓一品香,二人情投意合,爾旦竟要求陸判將還珠和一品香頭顱對調,事後爾旦卻掛念持家有道的還珠,妓寨突然失火,爾旦拚命搶救娘子,再求陸判換回頭顱,可惜波折重重!

 

《追魚》

Clip_25A Clip_14A


張珍遭逢家道中落,但指腹為婚迎娶牡丹的日子將近,珍親自前往洪家交代,在途中救了鯉魚精柳衣一命,衣不捨恩公,暗裡從水路跟隨珍到洪家,丹嫌棄珍身無分文,只假意接待珍在破屋留宿,衣為接近珍竟夜裡化身丹到破屋與珍相處,二人情愫漸生。因為珍無心插柳為村民取回公道成了人民英雄,丹突獻殷勤,衣怕失去珍,化身丹大鬧洪家,眾人無法分辨真偽牡丹;衣為與珍相愛,甘願接受天庭的考驗來印證真愛。

 

相片來源:部分網上圖片

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。