恭喜喬寶寶娶新抱做老爺！反印度傳統豪使300萬幫大仔搞婚禮
廣告
48歲喬寶寶升呢做老爺！27歲大仔Inderpal終於成家立室喇！喬寶寶一於唔理印度傳統，豪使300萬送車又送樓畀新抱仔，又幫忙埋單喺英國同香港擺酒費用，非常大方啊！
撰文：東方新地 ｜圖片：Instagram、Facebook@喬寶寶
反印度傳統豪使300萬幫大仔搞婚禮
喬寶寶喺香港出世，係印度裔香港人，因為2005年參加無綫比賽節目《殘酷一叮》而加入TVB，當年佢將心口啲口剃成TVB字樣最令人印象深刻。
喬寶寶家族非常大，間唔中都會喺社交平台Post家庭大合照。寶寶同印度藉太太育有兩個仔，分別係大仔Inderpal同埋細仔Arvin。
2012年因為太太申請香港護照被拒，寶寶就為咗頭家被逼移民去蘇格蘭，退出娛樂圈，不過中間都有返過香港拍劇。
今次大仔Inderpal結婚，迎娶大學時期已經識嘅醫師女朋友Manjit。按照印度傳統，應該係女方送車送樓畀男家，不過今次寶寶反傳統，豪花港幣300萬，送金器、車、樓畀新抱仔，仲畀埋英國同香港兩邊嘅擺酒錢添！
喬寶寶指反傳統原因係因為女家啱啱都嫁咗女，應該用咗唔少錢，所以今次就唔計較咁多，總之盡快添丁令佢可以做爺爺就得咁話！
係咪真係可以好快添丁都唔緊要啦！最重要係喬寶寶第一次娶新抱，成家人開心咪得囉！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
