《衝上雲霄》又翻拍？傳呢幾位內地明星擔正香港代表得返吳鎮宇坐鎮

《衝上雲霄》又翻拍? 香港代表得返吳鎮宇坐鎮

《衝上雲霄》喺2003年播出，係香港電視史上首次以航空業為題材，套劇一推出就已經獲得超大迴響。當時未係男一嘅馬國明都有份㗎！

《衝上雲霄》收視最高達到37點，亦因為呢套劇令當時投考飛機師嘅人數大增！收視咁多，根據TVB做法就緊係要出第2輯啦！所以《衝上雲霄2》喺2012年播出，雖然舊人葉璇、陳慧珊、馬德鐘、陳鍵鋒等人無得留低，不過加入咗新血，陳法拉飾演嘅Holiday和張智霖飾演嘅Cool魔都好入屋㗎！

有消息指無綫將會開拍第三部曲《衝上雲霄2020》，參演名單一直都受到外界關注，特別是無綫在月前宣佈將會與騰訊合作，耗資2億人民幣開拍，大家都好想再知多啲。而無綫（節目及製作）副總經理杜之克早前就提過《衝上雲霄2020》嘅故事背景會喺內地。

而演員名單就一直處於神秘狀態，有唔少傳聞都話飾演Sam哥嘅吳鎮宇仲會繼續參演，但係張智霖和飾演夏晨嘅胡杏兒就因為公司同無綫有官司未能參演。

而因為呢套劇係以內地為背景，加上係合作劇，因此有傳TVB會請人氣爆燈嘅內地演員加盟，就好似迪麗熱巴、楊冪、黃子韜、Angelababy、陳偉霆等，不過香港觀眾就未必太Buy喇！而且劇集主題翻炒再翻炒，相信都有唔少觀眾覺得悶同無新意。

關鍵詞