【萬千星輝賀台慶】網民：準備畀人照肺啦！吳若希大爆TVB講明要撐周柏豪

撰文：東方新地｜圖片：節目截圖

【萬千星輝賀台慶】吳若希大爆TVB講明要撐周柏豪

噚晚（19/11)《萬千星輝賀台慶》為慶祝TVB生日，請來一眾藝員歌手表演。當中有一個環節就係搵嚟周柏豪、袁偉豪同胡鴻鈞表演射籃。

問到陳山聰支持邊個時，佢就話識咗袁偉豪咁耐，都唔知佢識打籃球。

之後再問馬國明，佢就話自己支持《降魔的》嘅胡鴻鈞，不過唔知自己嗰隊支唔支持。

最後訪問埋歌星隊嘅吳若希，佢就話：「我個心就係支持胡鴻鈞，不過TVB份稿叫我支持周柏豪！」Do姐都不禁講句：「乜你咁㗎？」連叻哥等人都忍唔住話佢倒米。有網民就諗此言論一出，吳若希應該好快畀TVB高層「照肺」喇！

同場加映：

Do姐叫錯名 場面非常尷尬

射籃之後有一個環節係《兄弟》一眾演員大騷身手，表演過後Do就介紹幾位男演員時就將伍允龍叫做馬允龍，不過Do未有察覺，場面搞到幾咁尷尬。