缺鈣症狀

失眠 與 憂鬱 原來同缺鈣有關 10大缺鈣症狀

Channel May

廣告

以為只係小朋友、老人家、生完嘅婦女先要補鈣?其中任何年紀嘅人都應該要補充鈣質。 因為「鈣」除咗可以能夠維持骨骼健康,仲可以穩定血壓、調解激素分泌同正確傳遞神經訊息。如果體內缺乏鈣與,身體某部分功能會有機會受到影響。外國媒體《Bright Side》以下就列出10個常見缺鈣症狀,例如:吞嚥困難、失眠、疲勞甚至憂鬱~睇睇你有無出現以下問題~如果多過3-4樣就要好好注意啦~

撰文:CM Team| 圖片來源:網上圖片
1.夜間時段會抽筋
缺鈣初期症狀就係好易會出夜間抽筋,特別發生於大腿、小腿、手臂以及腋下。有時甚至就連走路時會出現肌肉痠痛問題。

2.牙齒出現異狀
體內攝取到嘅鈣,大部分會儲存於人體骨骼與牙齒之中,如果真係有缺鈣問題,呢2個部位通常會最先出現問題。如果你發現牙齒開始變黃、蛀牙或出現損傷,容易流牙血,有機會體內鈣量不足,得到牙周病風險都會增加。

3.吞嚥困難
如果你喉嚨會有緊緊嘅感覺,而且好難吞嚥食物,有機會係「收縮不良」引起的,若然情況再嚴重的話,喉嚨有可能會出現抽筋或變聲問題出現。

4.指甲易碎
想健康指甲健康,鈣質係重要元素。如果缺鈣,指甲好易變得乾燥、容易斷掉以及裂開。

5.經常生病
鈣對「免疫系統」來講係一種好重要嘅營養素,因為鈣可以幫身體對抗病毒同細菌。如果缺鈣的話,身體會降低對病原體抵抗力,令人更容易患病。

6.感覺異常
「感覺異常」包括一系列同嚴重缺鈣有關嘅神經症狀,嘴巴周圍、手指或者腳趾可能會出現刺痛感、麻木感、肌肉顫抖等,最嚴重有機會影響記憶力、出現幻覺等問題。

7.失眠
當人進入睡眠狀態,體內鈣含量會隨著深度睡眠而高低起伏,如果身體缺鈣,就可能無辦法擁有安穩嘅深度睡眠,呢種同鈣引起嘅失眠問題同褪黑激素作用相關。

8.憂鬱症
鈣亦係「管理情緒」不可或缺元素之一!由於鈣係天然嘅鎮定劑,可以產生鎮靜與放鬆效果,假如體內鈣含量低,有機會出現鬱悶同煩躁徵狀。

9.疲勞
若然缺鈣,好易會影響身體健康問題,如果每日感到極度疲勞、昏昏欲睡、沒有精神、頭重重等問題,最好避免依賴能量飲料或咖啡等,嘗試從均衡飲食入手。

10.皮膚乾燥
低鈣血症或是體內缺鈣會出現皮膚問題,肌膚睇上來會好乾燥,甚至會產生龜裂情況。亦有研究發現,原來缺鈣同濕疹、牛皮蘚等皮膚問題息息相關。

如果想保持鈣嘅攝取量,可以於日常飲食中加入「黑葉蔬菜」,像是羽衣甘藍、青花菜、蕪菁葉以及綠葉甘藍,或攝取含高鈣嘅食物,例如魚、奶酪、牛奶、大豆、杏仁同芝麻。

若想加強身體吸收鈣功能,可以考慮增加維生素D攝取量,進食蛋黃、蠔、麥片、燕麥片或是橙汁,有需要都可以飲鈣質奶粉幫幫手~