OG2

瞓極都眼瞓?十大濕熱症狀 你中幾多?

香港人,特別是年輕一族最鐘意就食煎烤食品、台式奶茶、咖啡、酒精等、再加上經常熬夜等不良生活習慣,好容易造成濕熱體質。到底乜嘢叫「濕熱」?食啲乜可以幫到手?今次就同大家講解濕熱型體質到底有乜嘢特徵,同解決方法啦~
撰文:CM Team| 圖片來源:pinterest

點解飲珍珠奶茶都會搞到個人濕熱?

珍奶主要以紅茶撞入奶製品沖製而成,茶葉經過發酵,本質性味偏溫,熱飲可以暖胃,少嚐無妨。沖奶茶所用嘅奶製品多數以牛奶、淡奶等奶製品溝成,如果脾胃弱者飲奶會好易會引致腹瀉,如果再飲得多「珍奶」,就會造成濕上加濕,脾胃粘滯,難以消化食。

而珍珠主以由唔同嘅澱粉製成,例如太白粉(馬鈴薯澱粉)、蕃薯粉等,再加以精製糖長時間烹煮而成,粘性高,口感軟糯,但同樣地難消化~所以有唔少中醫師都建議人少飲為妙~

想知自己係咪屬於濕熱型?以下問題可測試一下:
1) 容易感到疲倦,睡眠足夠但精神依然不佳
2) 易煩躁
3) 皮膚容易泛油、出暗瘡、濕疹
4) 頭髮油腻
5) 女性帶下量多色黃
6) 食慾不振
7) 口苦、口臭
8) 小便黄,伴有尿少、尿频和尿急
9) 便秘或大便質地較黏
10) 舌苔較黃厚
如果以上測試達至6項以上,有機會係體內有濕熱。


濕熱對個人健康有負面影響,肌膚容易泛油光、生痤瘡、成個人覺得好重好易疲倦。不如唔好飲咁多珍珠奶茶,健康啲飲下清熱祛濕茶呀~~

健脾祛濕茶(1 人分量)
材料:茯苓 3錢,熟薏苡仁5錢,陳皮一塊,生薑2片
製法:將以上材料洗淨,3- 4碗水煲滾後,轉細火煲20分鐘。
功效:健脾祛濕,適合脾虛濕盛人士

清熱利濕茶(1 人分量)
材料:茵陳3錢、木棉花3錢
製法:將以上材料洗淨,3- 4碗水煲滾後,轉細火煲20分鐘。
功效:清熱利濕,適合濕熱體質人士
任何人身體狀況不一,有疑問要向醫生或相關專業人士查詢。