踢爆醫美市場古惑招數 免費? 激抵體驗價?
廣告
醫美集團成日以鋪天蓋地嘅廣告，推出「激抵」甚至「免費」的美容體驗價作招來，但往往上到去，埋單條數都係超出預期，要避開呢D市場陷阱，就必須做足準備喇！
撰文：CM Team｜圖片：網上圖片
- 低價/免費優惠的條款及細則：市場上好多「體驗價」其實都受該公司的條款及細則約束，當你想登記或進行療程前，必須先搞清楚該項優惠所提供的服務內容範圍，千萬別輕信明星代言廣告，就忽略當中細則，要清楚了解有冇其他額外收費，咁樣就可以避免比人㩒住黎搶！因為真係有人試過因爲冇了解清楚，就以低價訓低做左半邊面，再以天價完成另一邊面嘅療程😅
- 不要妄想一次就有效果：廣告中誇張吸晴的效果圖，往往不會是一次療程就可完美到位，醫美療程利用科技儀器改善問題，即時效果不論名牌/山寨機，多少都一定見到效果(如果唔係點氹到你繼續買😏)但千萬不要妄想自己比一次試做價，做完就可以成為廣告明星咁嘅樣，醫美療程嘅效果，真係因人而異，所以每進行療程前，最好先了解自己預期想要的效果，再向專業人士查詢🔍及了解合適的療程及次數，咁樣就可以避免浪費多餘的時間及金錢💵
- 即時優惠的心理建設： 每個特惠體驗後，行銷部門一定早為你準備好一系列的「即時優惠」療程，以吸引你繼續回來，所以假設你本住貪便宜的心態去體驗，你就要先做好個人的心理準備或不攜帶任何現金及銀行卡，因為銷售人員必會軟硬兼施的情況叫你開course. 所以每次體驗前，除左了解療程內容是否符合自己預期外，亦都需要事先演練自己是否滿意該次體驗的效果，以及自己可承擔的範圍，及冷靜分析自己的需要，以避免錯手跌入深淵😜
