發哥港珠澳跑半馬成績理想：大把精神今晚睇台慶

發哥衝線後依然非常輕鬆，被傳媒圍訪時仲表示滿意自己嘅表現，佢又大讚呢日天氣好、風景又好，仲講笑話一直同為自己打氣嘅跑友揮手打招呼仲攰過跑步咁話。一向幽默嘅發哥又話學足天王 黎明 話齋，準備空肚去食早餐，叫大家快啲早完訪問要去食嘢醫肚呀。

雖然有唔少老友都會跟發哥跑山練氣操體能，不過呢日發哥就指比賽唔能夠迫同行參與，因為大家嘅日程都非常忙碌，只可以自己主動報名呀。精神十足嘅發哥唔止早前現身釜山影展時多謝「老家」TVB，就連呢日一早跑完比賽，仲話大把精神欣賞一陣就播出嘅《萬千星輝賀台慶》呀。

雖然呢日以非常滿意嘅成績完賽，不過發哥提到未有打算越級挑戰全馬比賽，認為自己體力未能應付，反而來年1月舉辦嘅渣馬就會再次出戰半馬賽事呀。發哥又提到暫時未有片約在身，亦恭喜 楊紫瓊 同 梁朝偉 近來接二連三咁獲各大影展嘅殊榮，仲話如果有片商邀請合作自己一定奉陪咁話。

呢日 胡諾言 亦都有參與比賽，仲話太太一早已經交託任務，叫佢要聚精會神準備捕獲發哥合照，不過胡仔就話現場安全最緊要，見到發哥都係揮手打個招呼就夠喇。

網民點睇？

如此年纪,如此精神爽朗,好身体。

發哥 今晚睇台慶😂

即刻Follow TVB 娛樂新聞台 Facebook專頁 https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0