張碧晨預告明年出專輯 胡海泉感激歌迷追隨巡演
廣告
無線娛樂新聞台報導：張碧晨，胡海泉，王櫟鑫，張遠同陸虎等人齊齊現身上海出席一個晚會活動。張碧晨喺2021年公開承認同華晨宇未婚生女後，事業未受影響同時。近期仲忙住到各地巡演，仲積極籌備嚟緊嘅新專輯，當被問到2024年嘅工作大計，佢就話非遠計劃趕不上變化，不過肯定明年可以推出新專輯，之後再緊接做下一張專輯。
海泉創立嘅奶茶店舊年被爆出逃稅醜聞，早前仲傳出因品牌拒絕履行義務，被列為失信被執行人。不過海泉嘅心情似乎未有受事件影響，近排佢仲忙緊巡演，佢話好感激歌迷嘅支持，仲有歌迷係不停追住個巡演到唔到城市捧場，而觀眾嘅年齡層亦都越嚟越廣，有人仲帶埋父母或者仔女入場睇，令佢好欣慰。
由王櫟鑫，張遠同陸虎等組成嘅07男團近年重新活躍起嚟，工作接到冇停手。早前王櫟鑫開騷仲帶埋一對仔女擔任嘉賓，非常溫馨。被問到之後嘅巡演會點樣安排，老友鬼鬼嘅佢哋就不停開玩笑，櫟鑫仲提議兩位隊友快啲做爸爸，等佢哋嘅星二代可以組樂團出騷，點知講得太興奮，張遠竟然話自己有個囡囡，事後即澄清係將來想要個囡囡。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
