「英進」招浩明光婚宴獲《愛回家》仝人到賀 林夏薇專誠返港觀禮
廣告
無線娛樂新聞台報導：《愛·回家之開心速遞》飾演「英進」嘅招浩明於11月11日號與拍拖多年嘅圈外女友鄭紫筠（Sophia）於金鐘一間酒店舉行婚禮，周嘉洛、吳偉豪及關曜儁等擔任兄弟團，圈中好友林夏薇、鄭丹瑞及湯盈盈等紛紛現身道賀兼觀禮，明星狗Romeo出場負責獻上婚戒，而林夏薇今次專誠由外地返港參加招浩明婚禮。
一對新人於晚宴時浪漫登場，《愛‧回家》演員更拉大隊現身，徇眾要求下多次錫錫，羅樂林指「英進」結婚當然開心，大小姐林淑敏問「大龍生」畀幾錢人情，羅樂林話交畀財務部安排，「Terry」李偉健提議玩即場拆人情，眾人聞言立即大笑，而「送水輝」許家傑讚一對新人飼養嘅明星狗Romeo好得意。
丹爺劉丹好開心呢日《愛‧回家》好齊人，佢催促一對新人快啲生B貢獻香港出一份力，呂慧儀笑言「英進」喺《愛‧回家》頭幾集已經出現，拍咗幾年時間，累積人脈係咁上下嘅人數，張景淳亦有送上祝福。
此外，招浩明、周嘉洛及吳偉豪等均係第28期無綫電視藝員訓練班，佢哋都係2015年入行，丹哥鄭丹瑞曾擔任TVB藝員訓練班「校長」一職，周嘉洛同吳偉豪見好兄弟結婚有啲眼濕濕，招浩明同老婆Sophia多次感動落淚，一對新人希望生一仔一女。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
