新聞女王製作特輯｜主播力爭黃金時段各出奇謀 新晉記者亂衝VS新聞部…

任何機構都總會有各式各樣各上爬嘅人物，位處高位嘅自然要鞏固地位，而正身處中遊嘅就當然要奇招盡出喇。 高海寧 扮演嘅 許詩晴 就自認目標為本，把握住任何一個眼前機會，務求將自己推向成功。

高Ling雖然演出經驗豐富，不過今次要扮演一位專業主播要同時眼觀四面耳聽八方，加上要字正腔圓報道，就搞到佢壓力爆煲，仲喺拍攝現場急到喊埋出嚟，樣靚身材好又有交際手腕，自然令高Ling更具殺傷力喇。

現今世代攻讀新聞傳播嘅年青人，唔抱住滿腔滾到瀉熱血真係一早轉科早走早著，而熱情滿分嘅初出矛廬白紙記者劉艷嘅 王敏奕 ，無時無刻要走向麻煩危機當中，仲盲頭烏蠅搞到自己身陷險境。

任何決定都經手嘅新聞總監手執生殺大權， 鄧智堅 飾演嘅 余英飛 就係呢個一人之下位高權重嘅把關者。不過真正老闆 方羅麗嫦 龔慈恩 又到底係咪真係可以完全唔同外界壓力同干涉，又完全超然於老闆物份，把握住新聞中立嘅最重要一點呢？

即刻Follow TVB 娛樂新聞台 Facebook專頁 https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0