流浪地球2｜劉德華吳京廣州宣傳新片 華仔爆再有開演唱會計劃
廣告
無線娛樂新聞台報導：劉德華 同 吳京 等有份主演嘅科幻電影，呢日去到廣州宣傳，華仔除咗同一眾台前幕後現身戲院之外，仲以廣東話同現場觀眾拜年。日前被傳媒指同太太一齊返到大馬過新年嘅佢，呢日仲回應現場觀眾，指會再喺香港舉辦演唱會，叫大家放心咁話。
而導演 郭帆 又提到，拍攝呢部戲時動用嘅台前幕後有超過2萬人次，仲話希望盡量向觀眾介紹佢哋每一位。而華仔則話拍攝呢部戲時幫自己手對戲嘅一位女工作人員，令自己印象非常深刻，而幕後工作人員亦都勞苦功高，要好好感謝佢哋呀。
至於另一主角 吳京 喺戲中經歷咗非常難捱嘅人生，佢就指角色其實有非常深含意，希望大家都可以明白了解吃苦後終會有晴天呀。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
