泉叔娶老婆｜主播王鎮泉大個仔成家 採訪圈中人變好友紛到賀
廣告
無線娛樂新聞台報導：我哋嘅主播同事 王鎮泉 呢日大個仔，同圈外女友Vanilla舉行婚禮正式成家立室，唔少過往曾被泉叔採訪嘅圈中人到賀， 袁偉豪 黃智雯 更加係兄弟團成員之一。 汪明荃 馮素波 陳煒 譚俊彥 朱晨麗 等都現身下午嘅婚禮儀式。
而平時口多多嘅新郎哥，就話朝早嘅奉茶同註冊儀式已經喊咗好幾次，之前一晚更加緊張到瞓唔著，佢仲話會積極聽各位賓客嘅祝福趕工生小朋友咁話。
泉叔近年迷上飼養雀鳥，仲因而咁而同Vanilla多咗好多話題，傾傾吓仲開始談情成為夫妻呀。Liza姐就大讚泉叔乖仔又勤力，仲祝佢哋甜甜蜜蜜。而身為兄弟嘅阿Ben，仲由佢哋求婚到如婚都全程見證，更加搬埋屋企嘅琴到場呀。
而黃智雯同樣係兄弟團成員之一，仲話自己乜都被其他兄弟做晒，自己非常得閒，仲話見證完呢次婚禮自己都要好好計劃喎。單身貴族Morning朱呢日就話要沾吓喜氣，雖然緣份冇得強求，不過就話會加把勁喇。
譚俊彥 就爆料泉叔對太太非常細心，仲話想佢快啲生BB呀。至於兩位人妻煒哥同李漫芬就話要向佢哋傳授夫妻相處之道喇。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
