萬千星輝賀台慶｜一片睇完台慶表演精華 藝人淚水加歡笑覓初心傳承

對於福祿壽演出環節中，阮兆祥扮演「林加洞」唱歌，喺歌詞中暗藏玄機，多謝獎門人不辭勞苦事事關心嘅付出，演出後志偉仲同福祿壽擁抱，佢話呢個環節好感動，無諗過佢哋咁用心整蠱自己。志偉亦講到成個台慶演出真係上下一心，因為之前一晚仲綵排到凌晨四點，到開騷前仲不停排練修改，佢話由初初唔係咁好睇，排到睇得出大家眼中有熱誠有火，就對大家有信心，佢仲話成個騷有感動位、有搞笑位，希望能夠帶動觀眾嘅情緒。

台慶當然唔少得大型演出，薛家燕帶住56位男演員邊跳舞邊重現經典舞曲，可以話令全晚氣氛推至高峰﹐不過家燕話上台前大家就不停搵周嘉洛，嘉洛解釋因為自己一緊張就要去廁所，所以先臨時唔見人。

至於由《聲夢傳奇》兩屆畢業生合演嘅歌舞環節，除咗勾起觀眾嘅回憶，同台演出嘅兩屆聲夢冠軍炎明熹同任暟晴都話感覺自己成長唔少，仲話因為演出時太緊張，所以未有好好去享受，而一眾聲夢1嘅畢業生就話想快啲再聯手開騷。

另外兩季《中年好聲音》合體，聯同尹光演出大型歌舞，除咗有吳偉豪加入飾演爸爸吳大強嘅少年版，周吉佩就飾演尹光嘅年輕版，吉吉話落足心思去扮，光B就話自己無吉吉咁靚仔。
而全晚另一焦點，一定落喺由歷屆港姐結合打鼓、勁舞同空中瑜伽既多元化舞台，郭柏姸嘅喺空中動作相當優美，但因為佢斜膊上陣，一度引起走光疑雲，事後Rosita話事前做足安全措施，拉上衫係再以策安全。

由汪明荃領軍嘅「給十年後的我」環節，多位效力TVB多年嘅藝員以舞台劇形式，分享演業路上心路經歷，效力51年嘅蘇思恩磁都話自己喊到個妝都化咗，要再補妝。

網民點睇？

Gigi好靚女，唱歌又好聽👍🏻👍🏻👍🏻👏🏻👏🏻👏🏻

3:37 聲夢一、二都要開演唱會👍

星夢2冇乜突出，最冇睇頭😬

即刻Follow TVB 娛樂新聞台 Facebook專頁 https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0