萬千星輝賀台慶丨劉德華清唱《影帝無用》揭序幕 陳慧嫻與全場跳唱《跳…
廣告
無線娛樂新聞台報導：萬千星輝賀台慶丨劉德華清唱《影帝無用》揭序幕 陳慧嫻與全場跳唱《跳舞街》
今晚嘅《萬千星輝賀台慶》，請嚟第十期TVB藝員訓練班畢業生劉德華打頭陣，佢除咗拍片恭祝TVB 56周年生日快樂外，仲分享自己當年喺同一個舞台，用心落力演出嚟賀台慶，劉德華又勉勵一眾藝人，希望大家保持初心，為每一個角色每一句對白全力以赴，之後劉德華更清唱《影帝無用》，以歌詞：「能演一切好東西 無論戲份再少都花卻了心計 為了幹活用半世 沒有一秒浪費 活著是沉迷」為大家打氣加油。
緊接落嚟就有陳慧嫻帶令台上陳豪、陳展鵬、劉佩玥、馬國明、黃智雯、李佳芯、黎諾懿、呂慧儀、洪永城等一齊唱跳《跳舞街》，而喺一廠外等候嘅《中年好聲音》同《中年好聲音2》，亦畀場內氣氛帶動一齊又唱又跳。
演出後陳慧嫻再次祝TVB生日快樂，佢又指開心嘅日子係應該唱開心快樂嘅歌，對於全場跟住佢一齊跳唱，陳慧嫻就大讚現場氣氛超好，自己亦都玩得好開心。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
