#萬千星輝頒獎典禮 萬千星輝頒獎典禮丨曾勵珍感謝志偉及主席造就高光時刻 江美儀媽媽興奮...

萬千星輝頒獎典禮丨曾勵珍感謝志偉及主席造就高光時刻 江美儀媽媽興奮…

TVB娛樂新聞

廣告

萬千星輝頒獎典禮丨曾勵珍感謝志偉及主席造就高光時刻 江美儀媽媽興奮拎獎做訪問

無線娛樂新聞台報導:《萬千星輝頒獎典禮2022》喺一遍熱鬧嘅氣氛下圓滿結束,各大獎項塵埃落定,大熱劇《下流上車族》除咗摘下「最佳劇集」外,江美儀同鄧智堅亦憑呢套劇贏得「最佳女主角」同「最佳男配角」,而喺呢套劇飾演林敏驄大女車芊芊嘅郭柏姸,亦都贏得「飛躍進步女藝員」。

頒獎禮後,一眾《下流》嘅演員接受訪問,首次封視后嘅江美儀就話要多謝阿驄負傷嚟支持,而阿驄就話唔可以錯過呢個時刻呀。講到套劇有咁好成績,嚟緊會唔會有續集?監製關文深就話要睇驄哥同美儀有冇時間嚟拍續集。努力十年由最佳女配榮升成視后,呢晚美儀姐嘅父母都有嚟現場見證愛女得獎時刻,佢哋接受訪問嗰陣,江媽媽仲叫美儀姐畀個獎佢拎下,非常搞笑。

一直被指係視帝大熱嘅陳山聰,憑《金宵大廈2》首封視帝,23年嘅演藝生涯入面經歷過大大小小嘅高山低谷,難怪山聰嘅心情到做訪問時都未平伏到,仲話聽到頒獎嘉賓呂良偉講個得獎者係聰字尾嗰陣,自己以為係林敏驄贏得,點知聽到對方宣讀自己個名嗰陣,真係成個腦一遍空白呀,山聰哽咽咁多謝一直以嚟幫過佢嘅朋友、太太同埋囝囝。問到佢之後會唔會再努力啲?山聰就話佢頒獎禮翌日清晨6點就要開工,笑言自己係要比努力更努力呀。

而「馬來西亞最喜愛TVB男主角」就由陳展鵬以《超能使者》奪得,佢除咗感激大馬fans嘅支持外,當然要多謝特登嚟現場撐自己嘅太太單文柔,單文柔話見到老公上台攞獎嗰下,心情緊張到爆呀。

至於「馬來西亞最喜愛TVB女主角」就由 Moon 劉佩玥憑《美麗戰場》奪得,出名係喊包嘅Moon,呢次首封大馬視后嘅佢竟然冇喊,連監製葉念琛都話相當神奇,事後Moon就解釋因為佢見到陳瀅同陳曉華當時已經喊到淚流滿面,而發緊呆嘅佢係因為陳瀅叫佢先至如夢初醒。

新生代演員周嘉洛,呢晚唔只憑《痞子殿下》紀威一角摘下「最受歡迎電視男角色」,佢同陳瀅、JW王灝兒、朱敏瀚同張頴康,亦都憑呢套劇贏得「最受歡迎電視拍檔」,嘉洛就話自己都覺得好驚喜,好多謝所有支持同錫佢嘅朋友,而陳瀅就話佢哋大家都好期待《痞子2》嘅開拍呀。

「最受歡迎電視女角色」就由三太 樊亦敏奪得,佢嘅一眾《愛・回家之開心速遞》家人都紛紛送上祝賀,劉丹仲笑言自己喺台下嗌到聲沙呀。樊亦敏就話如果冇呢班家人,都造就唔到三太呢個角色,所以個獎係屬於大家嘅。

而全晚嘅感動位,就係喺TVB服務咗多年嘅曾勵珍 珍姐,獲頒「萬千光輝演藝大獎」,珍姐上台領獎一刻,更加係成個錄影廠嘅人都全體起立致敬。珍姐事後接受訪問,就表示有啲說話想同曾志偉同埋主席講,就係佢哋好用心咁度咗一個好驚嚇嘅驚喜畀佢,珍姐又謙稱自己喺TVB工作咗幾十年,本來只係好平凡嘅人生,就喺呢晚突然畀咗一點高光時刻畀佢。

呢晚嘅頒獎嘉賓陣容媲美電影頒獎禮,當中有鄭則仕、任達華、張艾嘉、苗僑偉、黃日華、余安安、葉童、吳啟華、張兆輝、郭可盈、呂良偉、湯寶如、劉小慧等。佢哋大家都話相隔咁耐重返TVB,加上可以見到一眾老朋友相當難得呀。能夠搵到呢班咁重份量嘅嘉賓,最大功勞就一定係曾志偉,因為大部份嘉賓都係佢親自打電話去邀請嘅,志偉話見到大家嘅驚喜程度,一切都係值得嘅。對於《開心無敵獎門人》奪得「最佳綜藝節目」,志偉就話係大家嘅功勞,不過因為要兼顧總經理嘅工作,所以《獎門人》喺完成農曆年嘅錄影之後,會稍作暫停喇!

而我哋嘅主播周奕瑋呢晚獨挑大樑擔任大會司儀,全晚表現淡定,令唔少網呢激讚,事後Javis接受訪問嗰陣都難掩緊張心情,佢感激幕後同事幫咗佢好多,而最令佢感動嘅,就係自己親手寫嘅頭tag,可以喺呢個咁大型嘅頒發禮上一字不漏咁講晒出嚟呀!

頒獎禮過後,TVB門外聚集咗唔少fans嚟為偶像慶祝,除咗鮮花、燈牌、香檳外,有啲fans仲準備埋自製嘅獎座畀佢哋嘅偶像,非常熱鬧呀。

網民點睇?

一定要讚Jarvis👍🏼 做得好好👏🏼成個show好好睇,好流暢 又帶動到氣氛 又感動 又有笑位!希望明年都係你做導航主持💪🏼 講真 奧斯卡都唔使用什麼大牌司儀啦,今次TVB改革得好,我鍾意呢個flow! 其實重好過台慶用十幾廿個司儀 你一句我一句 又嘈又混亂 直頭聽唔到啲人講乜 睇到觀眾好辛苦!TVB抵讚👍🏼 呢個節目型式正到爆🎉

今次tvb頒獎禮賽果十分正常,賽果實至名歸, 江美儀羅最佳女主角打破一切傳聞, 頒獎嘉賓仲勁過電影金像獎, 呢啲一定係曾志偉的功勞
江美儀的確係做得好好 實至名歸!!
反而覺得係今晚最爆的獎!也是最實至名歸的得獎者:多謝珍姐!
睇完tvb萬千星輝頒獎禮 製作級數畀電影金像獎超兩班, 金像獎級數頒獎嘉賓, 係頒獎禮度對 大小演員的尊重,tvb 的承傳精神 ,令人覺得tvb沒有打不贏的仗!

周奕瑋今次做得超好,帶出所有演員的努力,不爭功,又到位;比以前多位司儀仲好,清楚,有感情!

即刻Follow TVB 娛樂新聞台 Facebook專頁 https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節應如何選購禮物給伴侶?

情人節快來臨,揀好禮物未呢?小編為各位錫伴侶的讀者精選出18大實用情人節禮物2023女朋友篇男朋友篇推介,平價及名牌都有!另外,不少酒店及餅店都有推出情人節朱古力禮盒,例如半島酒店、GODIVA、Venchi等,而MUJI更推出自製朱古力DIY,手殘男女也能做到!即看:情人節朱古力禮盒2023。想自己動動手的朋友們有福了,大家可以在家跟著情人節甜品食譜,自我製造「多巴胺」。

撰文:東方新地圖片來源:[email protected]娛樂新聞台資料或影片來源:[email protected]娛樂新聞台

讀者留言