鈴木亮平挑戰BL電影 與宮澤冰魚有大尺度演出
廣告
無線娛樂新聞台報導：劇集Boys Love（BL）近年產量頗高，男男戀題材作品直捲全亞洲，泰國、日本及韓國均推出不少BL劇，日本小生鈴木亮平亦挑戰呢個題材嘅BL電影，與宮澤冰魚主演電影《愛是自私》，改編自高山真感動人心嘅同名自傳小說，大尺度演出引爆話題。
呢日兩位主角與電影團隊去戲院造勢宣傳，鈴木亮平與宮澤冰魚好緊張觀眾對佢哋演出嘅評價，鈴木亮平笑言前一日有去戲院睇呢齣電影，當時身旁一位男觀眾嘅手機震動聲好吵耳，平時自己會好唔耐煩，不過當刻佢反而感覺對方喺好忙嘅情況下入場支持。
宮澤冰魚則查看電影購票網留意各個戲院上映時間及入座率，發現好幾個戲院都滿座，各處有好多觀眾入場睇，電影《愛是自私》喺日本票房不錯，鈴木亮平同宮澤冰魚更憑此戲拎到亞洲電影大獎入場券，分別入圍最佳男主角同男配角獎，佢哋會否成為贏家，3月12號便知賽果！
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
