StarTalk網上足本版｜周吉佩入行跌碰低沉有死念 絕處逢生參賽奪冠重…

參加《中年好聲音》由三千人海選到最後奪得冠軍，面對部份爭議之聲嘅 周吉佩 呢日接受 許文軒 嘅《StarTalk》專訪，由佢當年參加比賽入行、與多年隊友解散到心情鬱鬱不歡，一直到最次踏上舞台都一一道來。

歷經半年賽程，《跳舞街》同時跳出吉吉嘅Comfort Zone，一切由佢爸爸帶返屋企嘅舊結他啟蒙，直至參加一個電視台歌唱比賽入行出唱片，可惜處男作推出之後，夢就同時完結。現實生活嘅重擔，令吉吉放低音樂夢，不過幾年之後再遇伯樂， 黎瑞恩 牽線將佢同幾位老友組成嘅樂隊 sp′ACE 推出歌曲唱片拍MV，更有機會登上紅館舞台。

可惜之後因為意見不合，無奈下分道揚鑣各行各路。兩次闖樂壇都未算成功，加上疫情下嘅陰霾，吉吉話情緒當時低沉至谷底，甚至一度鑽牛角尖至諗歪，佢認為參賽令自己將心中吐不出嘅污氣統統都吐乾吐淨。

參賽後組成嘅「燕尾蝶組」，組員部份喺過往已經相識，而組隊亦將過往失落嘅團體合作遺比憾再帶返身邊，可幸嘅係今次佢哋得到最高分亦受各界稱譽。

得獎後柴台之聲不絕於耳，吉吉亦自言結果喺自己心中一樣爆冷，面對負評排山倒海一樣影響情緒，不過佢認為自己會以往後嘅成績去證明評判選擇正確。成績以外，參加者們成為朋友都因為大家各有唔同經歷，競爭嘅絕大部份對手係自己，所以選手之間關係甚至會互相學習同幫助。

網民點睇？

越來越喜歡吉吉, 吉吉加油 !

吉吉 加油💪🏻

加油呀❤

即刻Follow TVB 娛樂新聞台 Facebook專頁 https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0