八和會館團拜邀李家超梁振英到場 汪明荃對謝婷婷愛女Sara讚不絕口
廣告
無線娛樂新聞台報導：香港八和會館呢日舉行新春團拜，理事會主席汪明荃及其他理事會成員羅家英及謝雪心等出席，邀來特首李家超、前特首梁振英等一眾社會政界人士亦有現身支持。
適逢八和會館七十週年，阿姐有好多八和新搞作跟大家分享，將於5月舉行學生交流計劃、之後前往馬來西亞，阿姐屆時要視乎TVB工作安排，未必可以抽時間同行，但家英哥已答應隨行，今年八和推出一系列紀念品，譬如帽、頸巾及畫冊等。
八和會館喺疫情期間有新突破，跟學校進行網上交流，八和會館本身有製作網上教學，設有英文版，非華裔都可以睇到，希望多啲觀眾了解粵劇。
契女謝婷婷於2019年秘密產女，長居溫哥華，生活低調，雖然婷婷喺農曆新年前離港，原來佢都有抽時間帶埋愛女Sara去見契媽，阿姐大讚婷婷女兒Sara好乖又聽話：「好高大，如果3歲嚟講好高，見到佢好開心，好靚女，佢識講廣東話，咩都識少少，佢阿媽教得好好。」
阿姐與家英哥新年期間忙住招呼前來拜年嘅朋友，佢亦依照傳統跟家英哥去黃大仙上香，阿姐往年初二便出埠登台，因疫情3年喺香港過年，阿姐又指每年新十五前都去黃大仙祈福，希望身體健康，疫症快啲消除。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
