吳岱融不通投資好磚頭 太太話晒事睇樓當娛樂
廣告
無線娛樂新聞台報導：吳岱融 近年低調喺大馬發展飲食生意，做得有聲有色之餘，仲聽聞有計劃將生意猜嚟香港，早前身處大馬開工嘅岱融哥，呢日就現身香港，為一個海外樓盤活動宣傳喇。而佢本人亦都話因為身處娛樂圈時間唔穩定，所以主力將投資放喺物業市場喎。
雖然唔少人都鍾情投資股票同其他金融產品，不過岱融哥就明言自己毫無研究，甚至理財都係交比太太打理呀。至於香港樓市降溫，身為新加坡人嘅佢就話都係睇太太決定，仲會當娛樂周圍參觀，更加分享自己嘅Dream House係點樣嘅。
今年已經入行40周年嘅佢，就話未準備特別慶祝活動，不過《隱門》當中嘅暴燥大賊王演出，就令身邊朋友都笑言睇劇先認識到真正嘅佢喇，而8月生日嘅佢仲話已經約好太太同乖仔一齊慶祝喇。
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
